Amreli Express

Daily News Papers Amreli

બ્રેકીંગ ન્યુઝ

લ્‍યો બોલો : ધારીનાં સ્‍મશાનગૃહમાં ચોરી કરનાર ચોરની રંગેહાથ ઝડપાઈ

ધારી ઉપસરપંચની જાગૃતતા કામ કરી ગઈ

લ્‍યો બોલો : ધારીનાં સ્‍મશાનગૃહમાં ચોરી કરનાર ચોરની રંગેહાથ ઝડપાઈ

સ્‍થાનિક પોલીસે ગુન્‍હો નોંધી તપાસ શરૂ કરી

ધારી, તા.ર0

ધારીના સ્‍મશાનની કમ્‍પાઉન્‍ડ વોલ ઓળંગી મૃતદેહના ચૂલા અને પડતર ભંગારનો કોથળો લોખંડ ભરી નાઠી રહેલી ચોરનીને નદીમાં ઉતરતા ઉપસરપંચ દેખી જતા આ મતલબની જાણ પોલીસને કરવામાં આવી છે. જેને લઈ પોલીસે દેવીપૂજક મહિલાની ધરપકડ કરી મુદામાલ પણ કબ્‍જે કરી ધોરણસરની કાર્યવાહી હાથ ધરી છે. ધારીના સ્‍મશાને મૃતદેહની અંત્‍યેષ્‍ટિ માટે ગોઠવવામાં આવેલા બીડના લોખંડના ચૂલા પરથી કાયમી લોખંડ ઉસેડી ચોરી જવાની ઘટના સામાન્‍ય રીતે બન્‍યા કરે છે. આવા ટાણે સ્‍મશાનની કમ્‍પાઉન્‍ડ વોલ ઓળંગી મોટું બારદાન ભરી પલાયન થઈ રહેલી એક ચોરની સ્‍મશાને રિનોવેશન કામગીરી જોવા ગયેલા ઉપસરપંચ જિજ્ઞેશગીરી ગોસાઈને નજરે ચઢી ગયેલ. સ્‍મશાન પરિસરમાં દોટ મૂકવા છતાં નદીમાં ઉતરી ચોરની ઓગળી ગઈહતી. ઉપસરપંચે આ મતલબની જાણ તુરંત સરપંચ જીતુભાઈ જોશીને કરતા પોલીસ ફરિયાદની તજવીજ હાથ ધરી હતી અને આ મુદે હરકતમાં આવેલ પોલીસે ગાંધીબ્રીજ વાળી નદીના પટમાં રહેતી ચંદ્રી બીરજુ દેવીપૂજક મહિલાની મુદામાલ સાથે તેના ઝોકમાંથી જ અટકાયત કરી ઉઠાવી લઈ આગવી ઢબે સરભરા પણ કરી હતી. રિનોવેશન કાર્ય પાર પાડી રહેલા પંકજ જૈનને મહિલા પાસેથી બરામત થયેલ ભંગાર સહિતની ચીજવસ્‍તુનું પોલીસે નિદર્શન કરાવતા પંકજ જૈને વસ્‍તુઓ ઓળખી દેખાડી હતી. આ મુદે સરપંચ દ્વારા પોલીસને લેખિત પાઠવી અગાઉ કાયમ માટે થયેલ ચોરીનો ઉકેલ લાવવા તથા આ મહિલા દ્વારા કોને કેટલી વાર માલ વહેંચ્‍યો છે તેની ઝીણવટભરી તપાસ કરવામાં આવે તથા કુલ કેટલી વાર સ્‍મશાનમાં પ્રવેશી ચોરી કરેલ છે તે ઓકાવવામાં આવે તેવી માંગણી કરી છે.

error: Content is protected !!