Amreli Express

Daily News Papers

બ્રેકીંગ ન્યુઝ

સાવરકુંડલાની મેકડા પ્રાથમિક શાળાનાં ર શિક્ષકોએ ધો. 6નું પ્રશ્‍ન પેપર વાયરલ કરતાં તપાસ શરૂ

કોણે કીધુ બોર્ડની કે સ્‍પર્ધાત્‍મક પરીક્ષાનાં પેપર જ વાયરલ થઈ શકે

આલેલે : ધો. 6ની પરીક્ષાનું પ્રશ્‍ન પેપર વાયરલ થયું

સાવરકુંડલાની મેકડા પ્રાથમિક શાળાનાં ર શિક્ષકોએ ધો. 6નું પ્રશ્‍ન પેપર વાયરલ કરતાં તપાસ શરૂ

પરીક્ષાને હજુ વાર હોય પ્રશ્‍ન પેપર વાયરલ થતાં શિક્ષણાધિકારીએ શિક્ષકને નોટીસ ફટકારી

શાળામાં મોબાઈલ લઈ જવા પર પ્રતિબંધનાં નિયમનો થયો ઉલાળીયો

અમરેલી, તા. 13

સામાન્‍ય રીતે ધો. 10 કે ધો. 1ર કે કોલેજની મહત્‍વની પરીક્ષા કે સ્‍પર્ધાત્‍મક પરીક્ષનાં પ્રશ્‍ન પેર વાયરલ કરીને કરોડો રૂપિયાનાં કૌભાંડો થતાં હોય છે. પરંતુ પ્રાથમિક શાળાનાં ધો. 6ની પરીક્ષાનું પ્રશ્‍ન પેપર વાયરલ થાય તે ઘટનાથી ભારે આશ્ચર્ય ફેલાયું છે.

વિગત એવા પ્રકારની છે કે, સાવરકુંડલાની મેકડા પ્રાથમિક શાળામાં શિક્ષકોએ ધો. 6ની પરીક્ષાને હજુ વાર છે તે પહેલાં જ અંગ્રેજી વિષયનું પ્રશ્‍ન પેપર સોશ્‍યલ મીડિયામાં વાયરલ કરી દેતાં તાલુકા શિક્ષણાધિકારીએ શિક્ષકોને નોટીસ ફટકારી છે.

નોટીસમાં જણાવેલ છે કે, તા. 8/3/19નાં રોજ આપે વોટસઅપ (સોશ્‍યલ મિડીયા)માં શ્રી ભોઈ અળખાભાઈ પી. મેકડા પ્રાથમિક શાળાએ સાવરકુંડલા પ્રિન્‍સીપાલ ગૃપ અને બારૈયા કૃણાલભાઈ બી. શિવાયનેસ પ્રાથમિક શાળાએ જીએલડીપી (ભાષા) ગૃપમાં 1ર.39 મિનિટે ઈંગ્‍લીશએકમ કસોટીનું પેપર વોટસઅપ (સોશ્‍યલ મિડીયા) માં જાહેર કરેલ છે. જે ગંભીર બાબત છે. આપે ફરજના સેવા અને શિસ્‍તના નિયમનો ભંગ કરેલ હોય તમારા ઉપર શા માટે શિક્ષાત્‍મક કાર્યવાહી ન કરવી એ કારણોસર દિન-3 માં રૂબરૂ હાજર રહી સબંધિત બન્‍ને કચેરીએ લેખિતમાં ખુલાસો આપવા જણાવવામાં આવે છે.

જો નિયત સમયમર્યાદામાં લેખિત ખુલાસો આપવામાં નહી આવે તો આ વિષયમાં કઈ પણ કહેવા માંગતા નથી એવું માની આપ સમક્ષ સેવા અને શિસ્‍તના નિયમના ભંગ સંદર્ભે કાયદેસરની કાર્યવાહી કરવામાં આવશે તેમ અંતમાં જણાવેલ છે.

error: Content is protected !!