Main Menu

ચલાલામાં નવનિયુક્‍તત લેડી પી.એસ.આઈ. એચ.એસ. સેંગલીયાનો સપાટો

પોલીસ સ્‍ટાફ સાથે નિકળી બસ સ્‍ટેન્‍ડ એરીયા અને તીનબતી ચોકમાં ટ્રાફિક હળવો કરાયો

ચલાલા, તા.14

ચલાલામાં ગઈ કાલે ચલાલા પોલીસ સ્‍ટેશનના પી.એસ.આઈ. પરમારની બદલી થતા તેઓની જગ્‍યાએ ચલાલા પોલીસ સ્‍ટેશનના પી.એસ.આઈ.તરીકે  એસ.પી. નિર્લિપ્‍ત રાયે કાર્યદક્ષ લેડી પીએસઆઈ, એચ.એસ. સેંગલીયાની નિમણુંક કરેલ  છે. ચાર્જ સંભાળતા જ સેંગલીયાએ પોલીસ સ્‍ટાફ સાથે બસ સ્‍ટેન્‍ડ ચોક એરીયા અને તિનબતી ચોક જેવ ટ્રાફીકથી ધમધમતા એરીયામાં પગપાળા ચાલી ટ્રાફિક નડતરરૂપ વાહનો લેવડાવતા ટ્રાફીક હળવો થતા શહેરીજનોએ હાશકારો અનુભવ્‍યો હતો. છેલ્‍લા ઘણા સમયથી ચલાલામાં કાયદો – વ્‍યવસ્‍થાની સ્‍થિતી કથળી ગઈ છે. જયા – ત્‍યાં દારૂના હાટડા, ટ્રાફીક સમસ્‍યા, અવાર-નવાર સુલેહશાંતીનો ભંગ સહીતની સમસ્‍યાઓ વિકરાળ બની છે. ત્‍યારે શહેરીજનો નવા લેડી પી.એસ.આઈ. સેંગલીયા પાસે ઘણી અપેક્ષા રાખી રહયા છે. શહેરીજનો માટે નવા પી.એસ.આઈ. સેંગલીયા આશાનું કિરણ જોઈ રહયા છે.



« (Previous News)