Amreli Express

Daily News Papers

સમાચાર

6 ફૂટની ત્રિજયામાં ગાબડા છતાં પણ તંત્ર નિંદ્રાધીન : ગીર પંથકનો માર્ગ બિસ્‍માર બનતા વાહનચાલકો પરેશાન

પંચાયત માર્ગ-મકાન વિભાગનાં અધિકારીઓએ માર્ગની મરામત કરવી જરૂરી

ખાંભા, તા. 7

ખાંભાનાં ગીરકાંઠાનાં છેવાડાનાં ગીદરડી ગામે ધાબડ ધોયા નદીનો પુલ જર્જરીત હાલતમાં હોવાથી અકસ્‍માતનો ભય ઉભો થયો છે.

ગીર પૂર્વ અને ગીર પશ્ચિમમાં જવાનો એકમાત્ર સ્‍ત્રોત એવા ખાંભા-ગીદરડી વચ્‍ચે આવેલ ધાબડ ધોયા નદીમાં પુલ વચ્‍ચોવચ્‍ચ 6 ફૂટનાં પરીઘમાં પડેલ ગાબડાથી અકસ્‍માતનો ભય તોળાઈ રહૃાો છે.

ગીર અને ગીદરડી ગામે જવાના એકમાત્ર રોડ એવા ખાંભા-ગીદરડી વચ્‍ચે ગીદરડીથી 1 કિ.મી. દુર આવેલ ધાબડ ધોયા નદી ઉપર થોડા વરસો પહેલા માર્ગ-મકાન પંચાયત ઘ્‍વારા બનાવેલ પુલના એક ગાળામાં છેલ્‍લા 6 મહિનાથી પડેલા ગાબડાથી એસ.ટી. બસ સહિતનાં વાહનો પસાર કરવામાં ભારે હાલાકી પડતી હોય. આ ગાબડા બાબત સ્‍થાનિક ગ્રામ પંચાયત ઘ્‍વારા માર્ગ-મકાન પંચાયત-ધારી સબડીવીઝનને અનેક વખત જાણ કરવા છતાં પુલની મરામત કે ગાબડુ પુરવાની કાર્યવાહી ન કરવાથી ગાબડુ દિન પ્રતિદિન મોટું થતું હોવાના કારણે આજે સવારના આ રોડ ઉપરથી પસાર થતા બોલેરો પીકઅપ વાનનું વ્‍હીલ ગાબડામાં પડી જતાંસદભાગ્‍યે કોઈ જાનહાની થયેલ નહીં. અકસ્‍માતના કારણે બન્‍ને બાજુ ટ્રાફીક જામની સ્‍થિતિ નિર્માણ થયેલ.

માર્ગ-મકાન પંચાયત ઘ્‍વારા ત્‍વરીત કાર્યવાહી કરી ધાબડ ધોયા નદી ઉપરનો પુલ સત્‍વરો રીપેર કરવા સરપંચ ગીદરડી તથા ગ્રામજનોમાં માંગ ઉઠી છે.

error: Content is protected !!