Main Menu

અમરપુર (વરૂડી) ખાતેબ્રહ્માકુમારીઝ પાઠશાળાનું ભૂમિપૂજન કરાયું

અમરપુર (વરૂડી) ખાતે પ્રજાપિતા બ્રહ્માકુમારી ઈશ્‍વરીય વિશ્‍વ વિદ્યાલય સંચાલિત પાઠશાળા માટે નવા મકાનનું ભૂમિપૂજન તથા ખાતમુર્હુત શિવરાત્રીના પાવન દિવસે બ્રહ્માકુમારી અમરેલી સંસ્‍થાન સંચાલિકા, રાજયોગીની બ્રહ્માકુમારી કુ. ગીતાદીદીના વરદ હસ્‍તે કરવામાં આવ્‍યું. આ પ્રસંગે પૂ. મીતાલીદીદી, ડો. દવે, સરપંચ શાંતિલાલ રાણવા, પાઠશાળા સંચાલક મુકેશભાઈ પરવાડીયા, વિપુલભાઈ અજાણી તથા પૂ. શિવબાબાના બાળકો સહિત ગામલોકો વિશાળ સંખ્‍યામાં હાજર હતા. ગામમાં આ સ્‍થળે એક મેડિટેશન હોલ, બાબાનો કમરો તથા સંડાસ-બાથરૂમની વ્‍યવસ્‍થા સાથેનું નવું બિલ્‍ડીંગ બનશે. બાબાના બાળકો તથા દાતાઓ દ્વારા આ નિર્માણ પામનાર બિલ્‍ડીંગ એક વર્ષમાં પુરૂ કરીને આગામી શિવરાત્રીના દિવસે ઉદઘાટન કરવાનો સંકલ્‍પ કરવામાં આવ્‍યો હતો. આ ગામમાં છેલ્‍લા દોઢ વર્ષથી પાઠશાળા ચાલે છે. દરરોજ 70 થી 100 બાળકો બાબાનું જ્ઞાન ધારણ કરે છે. આત્‍માના કલ્‍યાણ દ્વારા વિશ્‍વમાં સુખ-શાંતિ, આનંદ, પ્રેમ, દયા, કરૂણાનો સંદેશ સાથે વિશ્‍વ કુટુંબની કલ્‍પના સાકાર થઈ રહી છે. જેનો સૌએ આનંદ વ્‍યકત કર્યો હતો. પૂ. ગીતાદીદીએ નવા વિશ્‍વ અને સત્‍યયુગની સ્‍થાપના માટેનો ઉમદા પ્રયાસ છે. તેમ જણાવી આશિર્વચન પાઠવ્‍યા હતા. ડો. દવેએ પણશુભકામના પાઠવી હતી. સરપંચ શાંતિલાલ રાણવાએ સંચાલન કર્યું હતું. તેમ મુકેશભાઈ પરવાડીયા તથા વિપુલભાઈ અજાણીની યાદીમાં જણાવાયું છે.