Main Menu

પિપાવાવ પોર્ટથી 30 નોટીકલ માઈલ દૂર દરિયામાં માચ્‍છીમારને હાર્ટએટેક આવ્‍યો

કોસ્‍ટગાર્ડ મરીન કમાન્‍ડોએ ઉમદા મદદ કરી

અમરેલી, તા.પ

અમરેલીના પીપાવાવ પોર્ટથી 30 નોટીકલ માઈલ દૂર દરિયામાં અકબરી નામની બોટ મછીમારી કરવા માટે ગયેલ ત્‍યારે આ બોટમાં રહેલ એક માચ્‍છીમારને અચાનક જ હૃદય રોગનો હુમલો આવી જતા આ અંગે દરિયામાં કોસ્‍ટગાર્ડ મરીન કમાન્‍ડોને જાણ કરવામાં આવતા પીપાવાવ મરીન કમાન્‍ડોએ તાત્‍કાલિક મદદે પહોંચી જઈ એમ્‍બ્‍યુલન્‍સ 108 જેવી કામગીરી હાથ ધરી માચ્‍છીમારને તાત્‍કાલિક દરિયા કાંઠે પહોંચાડવાની કામગીરી હાથ ધરી હતી.

આ બનાવમાંસૂત્રોમાંથી મળતી વિગત મુજબ અકબરી નામની બોટ આજે દરિયામાં પીપાવાવ પોર્ટથી 30 નોટીકલ માઈલ દૂર દરિયામાં મચ્‍છીમારીની કામગીરી કરી રહી હતી. ત્‍યારે આ બોટમાં રહેલ એક માચ્‍છીમારને અચાનક જ હૃદયરોગનો હુમલો આવી જવા પામ્‍યો હતો. આ બનાવ અંગે તાત્‍કાલિક દરિયામાં પેટ્રોલીંગ કરી રહેલ કોસ્‍ટગાર્ડ મરીન કમાન્‍ડોને જાણ કરવામાં આવી હતી.

કોસ્‍ટગાર્ડ મરીન કમાન્‍ડોએ તાત્‍કાલિક અકબરી નામના બોટનું લોકેશન મેળવી લઈ અને મદદ અર્થે પહોંચી જઈ હૃદયરોગના હુમલાનો ભોગ બનેલ માચ્‍છીમારને તાત્‍કાલિક સારવાર મળી રહે તે માટે થઈ રેસ્‍કયુ ઓપરેશન હાથ ધરી માચ્‍છીમારને દરિયા કિનારે પહોંચાડી દઈ સારવાર માટે દવાખાને ખસેડવા માટેની કામગીરી હાથ ધરી હતી.