Amreli Express

Daily News Papers

બ્રેકીંગ ન્યુઝ

સરસીયાખાતેથી વધુ 11 ચંદનનાં વૃક્ષોનું છેદન

ધારી પંથકમાં ચંદનચોર ગેન્‍ગે હાહાકાર મચાવ્‍યો

સરસીયાખાતેથી વધુ 11 ચંદનનાં વૃક્ષોનું છેદન

અભેદ કિલ્‍લા જેવી વીડીમાંથી ચંદનની ચોરી થતી હોય કોઈ જાણભેદુ હોવાની આશંકા

ધારી, તા. ર8

ધારી ગીર પૂર્વ કરમદડી રાઉન્‍ડની સરસીયા વીડીમાંથી ચંદન ચોર ગેન્‍ગ વડે ચંદનના વર્ષો જુના રપ આરક્ષિત વૃક્ષો આરક્ષિત જંગલમાંથી લઈ જવામાં સફળ થયા બાદ જાણે તંત્રને પડકાર ફેંકતા હોય તેમ સરસીયા ગામમાંથી વધુ 11 વૃક્ષો કટીંગ કરી લઈ ગયા હતા. તો વનતંત્ર સતત પેટ્રોલીંગનો દાવો કરી રહૃાું હોય ચોર ગેન્‍ગ હજુ ઓજલ બની રહી છે.

ધારીની સરસીયા વીડીના જંગલને અડીને આવેલ સરસીયા ગામમાંથી ચંદન ચોર ગેન્‍ગ ચંદનના 11 વૃક્ષો કટીંગ કરી લાખો રૂપિયાના ચંદનના લાકડાને લઈ જવામાં સફળ રહી હતી. જેમાં ગામના ભાલેશ્‍વર સનાતન આશ્રમમાંથી ચંદનના 3 વૃક્ષ, કાનજીભાઈની વાડીમાંથી એક, નંદુભાઈ મહેતા-1, કિશોરભાઈ-1, મુકેશભાઈ મહેતાનું એક, મનસુખભાઈ તથા કોટડીયાભાઈની વાડીમાંથી એક વૃક્ષ મળી કુલ 11 વૃક્ષોનું કટીંગ કરી ચંદન ચોર ગેન્‍ગ હજુ આ જ વિસ્‍તારમાં હોવાનું જણાઈ આવે છે. કારણ કે આ વિસ્‍તારમાંથી રોજ ચંદનના વૃક્ષોની ચોરી થાય છે અને વાહનોમાં ભરીને લઈ જવામાં આવે છે તેમ છતાં આ ગેન્‍ગ હજુ પકડથી દુર છે.

છેલ્‍લા દોઢેક માસથી ચંદન ચોર ગેન્‍ગ અવિરત સક્રીય હોવા છતાં પકડમાં આવતીન હોય તે મુદે પણ અનેક તર્ક-વિર્તક ઉઠી રહૃાા છે.

આ અંગે એસીએફ ઠકકરનો સંપર્ક કરતા તેમણે જણાવ્‍યું હતું કે, સ્‍ટાફ સતત પેટ્રોલીંગ કરી રહૃાો છે છતાં આ ગેન્‍ગ હજુ પકડથી દુર છે પણ તપાસ ચાલું છે તેમ જણાવ્‍યું હતું.

ધારીની સરસીયા વીડીમાંથી એક સાથે ચંદનના રપ-રપ વૃક્ષો કટીંગ કરી ચંદન ચોર ગેન્‍ગ લઈ ગઈ હતી તે વીડીમાં બન્‍ને તરફના ગેઈટ પર તાળા હોય છે. તેમજ આ વીડી એટલી ભુલ ભુલામણીવાળી છે કે અજાણ્‍યો શખ્‍સ ભુલો પડી જાય. ત્‍યારે કોઈ જાણભેદુ જ આ કાર્ય કરી શકે તેવી પણ ચર્ચા ઉઠી છે.

error: Content is protected !!