Main Menu

ખોટી પોલીસ ફરિયાદ કરનાર વિરૂઘ્‍ધ રોષની આંધી

સાવરકુંડલાનાં ધાર અને મઢડાનાં ગામજનોએ કલેકટરને રજુઆત કરી

ખોટી પોલીસ ફરિયાદ કરનાર વિરૂઘ્‍ધ રોષની આંધી

ખોટી ફરિયાદનાં ડરથી અનેક પરિવારો ગામમાંથી હિજરત કરી ગયા

વ્‍હાલસોયા વતનમાં જવું હોય પણ ફરિયાદ થવાનાં ડરથી જઈ શકાતું નથી

અમરેલી, તા. ર8

કાયદાનો ગેરઉપયોગ કરીને ખોટી પોલીસ ફરિયાદ કરવાની ટેવ ધરાવતા શખ્‍સો વિરૂઘ્‍ધ ર ગામના હિજરતી કરી ગયેલા પરિવારજનો ન્‍યાયની અપેક્ષાએ ધરણા યોજીને ઈચ્‍છા મૃત્‍યુની માંગ કરતા લોકોએ અમરેલીની કલેકટર કચેરી ખાતે ન્‍યાય આપો ન્‍યાય આપોની માંગણી કરી હતી.

ધાર ગામની એક મહિલા અને તેના પિતા ઘ્‍વારા અવારનવાર ખોટી પોલીસ ફરિયાદો કરીને ધાર ગામના પાંચ જેટલા પરિવારને હિજરત કરીને અન્‍ય જગ્‍યાએ વસવાટ કરી રહૃાા છે. પણ આખા ગામમાં ખોટી પોલીસ ફરિયાદો દાખલ કરનાર વિઘ્‍નસંતોષીઓ સામે આજે અમરેલીની કલેકટર કચેરી સામે ધરણા પર બેસીને ન્‍યાય માટે મજબુર બન્‍યા છે. ત્‍યારે ખોટી પોલીસ ફરિયાદોથી ત્રાહિમામ પોકારી ઉઠેલા પરિવારની આંખોમાંથી આંસુ નીકળી રહૃાા છે ને જિલ્‍લા કલેકટર કચેરી ખાતે બેસીને ન્‍યાય માટેની માંગ કરતા સુત્રોચ્‍ચાર સાથે ખોટી પોલીસ ફરિયાદની આપવીતી કલેકટરને જણાવીને ન્‍યાયની માંગ કરી હતી.

ધાર ગામ મુકીને પાંચ વર્ષથી શામજી રામાણી અનેદયા રામાણી ઘ્‍વારા છેડતી, બળાત્‍કારની ખોટી ફરિયાદો કરીને આખા ગામમાં ત્રાસ ફેલાવ્‍યો છે. તો લીલીયાના હાથીગઢમાં ર7 પોલીસ ફરિયાદો કરી છે. ત્‍યારે હવે ત્રાહિમામ પોકારીને સરકાર સામે ઈચ્‍છા મૃત્‍યુની માંગ કરી રહૃાા છે. તો આવા જ બીજા પીડિતો છે મઢડા ગામમાં. મઢડા ગામમાં એક શખ્‍સ ઘ્‍વારા એટ્રોસીટી એકટની ખોટી પોલીસ ફરિયાદો કરીને ગામના સરપંચ સહિતના પાંચ પરિવારજનો ત્રાસ આપે છે.

એટ્રોસીટીની ખોટી ફરિયાદો કરીને ગામને બાનમાં રાખનાર શખ્‍સ સામે ફરિયાદીના પુત્રએ પણ કલેકટરને જણાવ્‍યું હતું કે, મારા પિતા ખોટી પોલીસ ફરિયાદ દાખલ કરીને સમાજ કલ્‍યાણમાંથી પૈસા પડાવવાના કારસા કરે છે.

ખોટી પોલીસ ફરિયાદ કરીને કાયદાનો દુરઉપયોગ પૈસા પડાવતાં શખ્‍સો સામે કલેકટરમાં ન્‍યાયની ભીખ માંગતા હિજરતી પરિવારો અંગે અધિક કલેકટરે જણાવ્‍યું હતું કે એસપી પાસે આવા શખ્‍સોની તપાસ કરવાની ખાત્રી આપી હતી.