Main Menu

અમરેલીની જનરલ હોસ્‍પિટલનાં તબીબો દેશસેવા માટે તૈયાર

ભારતીય સૈન્‍ય દ્વારા પાકિસ્‍તાનના બાલાકોટ વિસ્‍તારમાં જઈને 3પ0 જેટલા આંતકીઓનો ખાત્‍મો બોલાવી દીધો હતો. ત્‍યારે આ બાબતને લઈને સમગ્ર ભારતના લોકોમાં ખુશી છવાઈ હતી. પુલવામામાં 44 જેટલા ભારતીય જવાનો શહીદ થયા હતા જેને લઈને સમગ્ર ભારતવાસીઓમાં પાકિસ્‍તાન પ્રત્‍યે રોષ જોવા મળી રહયો હતો. ત્‍યારે ગઈકાલે ભારતીય સૈન્‍ય દ્વારા પાકિસ્‍તાનના બાલાકોટ વિસ્‍તારમાં જઈને આંતકીના અડ્ડા ઉપર હુમલો કરીને આંતકીઓનો ખાત્‍મો બોલાવી દેતા ભારતના તમામ લોકો ઉત્‍સવ મનાવી રહયા છે. ત્‍યારે આજે અમરેલી ખાતે શાંતાબા મેડિકલ કોલેજ અને જનરલ હોસ્‍પિટલના તમામ કર્મચારીઓ એકઠા થયા હતા અને ભારત માતા કી જય સાથે હોસ્‍પિટલના નર્સિંગ સ્‍ટાફ દ્વારા ભારતીય જવાનો માટે જરૂર પડે ત્‍યારે સરહદ ઉપર જઈને તમામ પ્રકારની સેવા આપવા માટે તત્‍પર છે. જરૂર પડે અમરેલી બ્‍લડ બેન્‍કમાંથી બ્‍લડની સુવિધા તેમજ તન, મન અને ધનથી સેવા કરવા માટે જણાવ્‍યું હતું. આ તકે શાંતાબા મેડિકલ કોલેજ અને જનરલ હોસ્‍પિટલના મુખ્‍યા વસંતભાઈ ગજેરા, અગ્રણી ડો. ભરત કાનાબાર, ડો. જી.જે. ગજેરા, શાંતાબા મેડિકલ કોલેજ અને જનરલ હોસ્‍પિટલના તમામ તબીબો,નર્સિંગ સ્‍ટાફ તથા પિન્‍ટુભાઈ ધાનાણી વિગેરે ઉપસ્‍થિત રહયા હતા.