Amreli Express

Daily News Papers

સમાચાર

માતા-પિતાની ચુંગાલમાં રહેલ પરિણીતાને 181 અભયમ્‌ ટીમે પુરતી મદદ કરી

અમરેલી, તા. ર8

બાબરા તાલુકાના કરીયાણા ગામ નજીક એક મંદિર છે. ત્‍યાંથી નજીક રસ્‍તા પરથી એક બહેનનો વહેલી સવારના 181માં ફોન આવેલ. માતા-પિતાએ માર મારેલ છે તેથી ઘરેથી નીકળી ગયેલ છું મારી જાન જોખમમાં છે. તેથી તુરત જ 181ની ટીમ કાઉન્‍સેલર પરમાર કિનાબેન, ડબલ્‍યુપીસી દયાબેન જસાણી અને પાયલોટ દિવ્‍યેશભાઈ ઘટના સ્‍થળે પહોંચી ગયા.

કાઉન્‍સેલર પરમાર કિનાબહેન ઘ્‍વારા આ બહેનની સાથે કાઉન્‍સેલીંગ કરતા જાણવા મળેલ કે તેઓ પંદરેક દિવસથી પિયરમાં આવેલ છે. તેમનું સાસરૂ જસદણ તાલુકાનું કોલકા ગામ છે. લગ્નને બે વર્ષ થયા છે પરંતુ ત્‍યાં સાસુ-સસરા અને નણંદ ઘ્‍વારા ત્રાસથી પતિએ થોડા દિવસ પિયર રોકાવા માટે મોકલેલ. બન્‍ને પતિ-પત્‍નીકે કોઈ જ તકલીફ કે કોઈ પ્રશ્‍નનથી. હવે પતિના ઘરે જતું રહેવું છે. બન્‍ને પતિ-પત્‍ની લગ્ન જીવન સારી રીતે જીવે છે અને અલગ રહે છે પરંતુ આ બહેનના માતા-પિતા બહેનને સાસરીમાં જવા કે પતિ સાથે બોલવા કે પતિના ઘરે જવાની ના પાડે છે. આ બાબતે આ બહેનને માતા-પિતા ઘ્‍વારા માર મારવામાં આવેલો અને આ મુંઢમારથી તેમના શરીરને તકલીફ થઈ છે. બહેનને પોતાની જાન જોખમમાં લાગતા અને માતા-પિતાના ઘરે નથી રહેવું પતિનાં ઘરે જવું છે. તેથી 181 અભયમ મહિલા હેલ્‍પલાઈનથી બહેનને જોઈતી મદદ પુરી પાડવામાં આવેલ છે. જેમાં આ બહેનને બાબરા પોલીસ સ્‍ટેશનમાં લઈ જઈ જાણ કરવામાં આવેલ. આ બહેનના માતા-પિતા કોઈપણ જાતની ફરિયાદ લઈને આવે તો આ બહેનને 181ની મદદ લીધેલી છે તે બાબતે જાણ કરવામાં આવે. ત્‍યારબાદ આ બહેનને સારવાર માટે અને પતિ સુધી સમાચાર પહોંચાડવા અમરેલી સિવીલ હોસ્‍પિટલ લાવવામાં આવેલ. ત્‍યાં ભભસખીભભ વન સ્‍ટોપ સેન્‍ટરમાં મુકવામાં આવેલા છે. જયાં તેમને તબીબી સારવાર અને રહેવા-જમવાની વ્‍યવસ્‍થા, કાયદાકીય માહિતી અને મદદ 181 અભયમ ઘ્‍વારા આપવામાં આવેલ છે.

આમ પિયરમાં માતા-પિતાથી જાન જોખમમાં લાગતા બહેનને બચાવી તબીબી સારવાર અને આશ્રયની મદદ આપી પતિ સુધી સહી સલામત પહોંચાડવાની 181 અભયમ અમરેલી ટીમે જહેમત લીધીહતી.

error: Content is protected !!