Main Menu

ધારી નજીકનાં જંગલમાં ચંદન ચોર ગેંગ સક્રિય ?

રેવન્‍યુ અને જંગલ વિસ્‍તારમાંથી પ0 જેટલા વૃક્ષોનાં કટીંગની ચર્ચા

ધારી નજીકનાં જંગલમાં ચંદન ચોર ગેંગ સક્રિય

સરસીયા, અમૃતપુર, હરીપરાનાં રેવન્‍યુ વિસ્‍તારમાં વ્‍યાપક પ્રમાણમાં ચંદનનાં વૃક્ષો છે

ધારી, તા.ર6

ધારી ગીર પૂર્વે દલખાણીયા રેન્‍જની કરમદડી રાઉન્‍ડની સરસીયા વિડીમાંથી ચંદન ચોર ગેંગ એક જ ઝાટકે રપ ચંદનના આરક્ષિત વૃક્ષોકટીંગ કરી લઈ ગયા હતા. થોડા દિવસોથી રેવન્‍યુ વિસ્‍તારમાં ચંદન ચોર સક્રિય હતા. જે હવે જંગલમાં પહોંચતા અને રપ-રપ વૃક્ષો કટીંગ કરી જતા ભારે ચકચાર મચી જવા પામી છે.

આ અંગેની વિગતો મુજબ ધારી પંથકના સરસીયા, અમૃતપુર, હરીપરાના રેવન્‍યુ વિસ્‍તારમાં વ્‍યાપક પ્રમાણમાં ચંદનના વૃક્ષો છે અને સરસીયા વિડી (અભ્‍યારણ) જંગલ વિસ્‍તારમાં પણ ચંદનના અનેક વૃક્ષો છે. છેલ્‍લા દોઢેક માસથી આ વિસ્‍તારોમાં ચંદન ચોર ગેંગે ભારે તરખાટ મચાવ્‍યો હતો. વાડી વિસ્‍તારમાંથી રેવન્‍યુ કટીંગ ચાલતું હતું ત્‍યારે વાડી માલિકો દ્વારા તંત્રને જાણ કરી હતી. ત્‍યારે વનતંત્ર જંગલમાં સબ સલામત હોવાની સૂફીયાણી વાતો કરી બચાવ કરતું હતું પરંતુ ધારી ગીર પૂર્વની કરમદડી રાઉન્‍ડના અભ્‍યારણ સરસીયા પૂર્વ-પશ્ચિમ વિડીમાંથી ચંદન ચોર ગેંગ એક સાથે રપ જેટલા વૃક્ષો કટીંગ કરી લઈ જતા વન વિભાગના સબ સલામતના દાવા પોકળ સાબિત થયા છે. જંગલ વિસ્‍તારમાં સામાન્‍ય વ્‍યકિત જઈ શકતી નથી. જો જાય તો દંડ થાય છે. ત્‍યારે રપ વૃક્ષો એક સાથે કટીંગ કરી ચંદન ચોર ગેંગ કઈ રીતે નીકળી હશે તે મહત્‍વનો પ્રશ્‍ન છે.

ધારી પંથકના રેવન્‍યુ તથા જંગલ વિસ્‍તારમાંથી લગભગ પ0 જેટલા ચંદનના વૃક્ષો કટીંગ થયા છે. જેમાં રપ જંગલ (અભ્‍યારણ) અને બાકીના રેવન્‍યુ વિસ્‍તારમાંથી કટીંગ થયાનુંજણાઈ આવે છે. આ આંકડો હજુ ઘણો વધારે હોવાનું પણ ચર્ચાઈ રહયું છે. લગભગ ત્રણ વર્ષ અગાઉ સરસીયા વિડીમાંથી તથા આજુબાજુના વિસ્‍તારમાંથી રપથી વધારે ચંદનના વૃક્ષો કટીંગ થઈ ગયા હતા. ત્‍યારે ફરી વખત ચંદન ચોર ગેંગ સક્રિય થઈને તરખાટ મચાવી મુકયો હોય તંત્ર ચંદન ચોર ગેંગને ઝબ્‍બે કરી તથા સમગ્ર બનાવ પરથી પડદો ઉંચકાય તેવી લોક માંગ ઉઠી છે. આ અંગે ડી.સી.એફ.પી. પુરષોતમનો સંપર્ક કરતા તેમણે જણાવ્‍યું હતું કે, ધારીની સરસીયા વિડીમાંથી રપ જેટલા ચંદનના આરક્ષિત વૃક્ષો કટીંગ થયાનો ગુનો દાખલ કરવામાં આવ્‍યો છે. રેવન્‍યુ વિસ્‍તારમાંથી પણ ઘણા ચંદનના વૃક્ષો કટીંગ થયાની ફરિયાદ મળી છે.