Main Menu

ખાંભાનાં દલડી ગામની મહિલાનું સ્‍વાઈનફલુથી મોત

અમદાવાદ ખાતે છેલ્‍લી કલાકોમાં ચાલતી સારવાર નિષ્‍ફળ રહી

ખાંભાનાં દલડી ગામની મહિલાનું સ્‍વાઈનફલુથી મોત

ગામમાં જોવા મળેલ શરદી, ઉધરસ, તાવનાં દર્દીઓને જરૂરી દવાઓ આપવામાં આવી

ગામનાં યુવાને ગામજનોમાં ફેલાયેલ ભયને દૂર કરવા માટે જહેમત ઉઠાવી

ખાંભા, તા.ર6

ખાંભાના દલડી ગામની મહિલાને 3/4 દિવસ તાવ આવતા રાજુલા દવાખાને સારવાર અર્થે જતાં ડોકટરને સ્‍વાઈન ફલુની અસર જણાતા રાજકોટ રીફર કરેલ. ત્‍યાંથી વધુ સારવાર માટે પરિવારજનો સુરત ખાતે લઈ જવા નીકળતા રસ્‍તામાં વધુ તકલીફ થતા અમદાવાદ સિવિલ હોસ્‍પિટલે સારવાર માટે દાખલ થતાં સારવાર દરમિયાન તેઓનું મૃત્‍યુ થતા પરિવારજનો સુરત ખાતે તેઓના દીકરાઓને ઘેરે લઈ ગયેલ. બાદમાં સુરતમાં જ અગ્નિ સંસ્‍કાર કરવામાં આવેલ.

દલડીની મહિલાનું સ્‍વાઈન ફલુમાં થયેલ મોતના સમાચાર જાણીજિલ્‍લા આરોગ્‍ય વિભાગ હરકતમાં આવેલ અને માત્ર 640ની વસ્‍તી અને 18પ ઘર ધરાવતા નાનકડા એવા દલડી ગામે આરોગ્‍ય વિભાગના બી.એચ.ઓ. ડો. અજમેરાની આગેવાનીમાં ખડાધાર પી.એચ.સી.ના ડો. કમલેશ ઘાંસકટા તથા સ્‍ટાફ તેમજ આશાવર્કર બહેનની ટીમે દલડીમાં આંગણવાડી કેન્‍દ્ર ખાતે મેડિકલ કેમ્‍પનું આયોજન કરી સ્‍કૂલના 9ર પૈકી તાવ- શરદી- ઉધરસ વાળા 4પ વિદ્યાર્થી/ વિદ્યાર્થીનીઓ તેમજ રપ ઘરના સભ્‍યોને તપાસી દવા અને સારવાર આપેલ.

બી.એચ.ઓ. ડો. અજમેરાની આગેવાનીમાં ખડાધાર પી.એચ.સી.ના સ્‍ટાફની સુંદર કામગીરી અને ઘેર ઘેર સર્વેની કામગીરી દલડીના ગામજનોમાં જે ભયનો માહોલ હતો તે દૂર થવા પામેલ. આ મેડિકલ તપાસ કામગીરીમાં દલડીનો યુવાન વિનુ પાંડવ ખડેપગે રહેલ.



« (Previous News)