Main Menu

બાબરામાં ભાજપ પરિવારે ભારતીય સેનાની કામગીરીનાં વધામણા કર્યા

થોડા દિવસો પહેલા જમ્‍મુ કાશ્‍મીરના પુલવામામાં ભારતીય જવાનો પર આંતકી હુમલો થતા 44 જવાનો શહીદ થતા સમગ્ર દેશમાં શોકની લાગણી પ્રસરી ગઈ હતી અને ભારતીયોમાં ભારે રોષની લાગણી જોવા મળી રહી હતી. તેમજ સમગ્ર દેશના લોકોમાં એક જ માગ કરવામાં આવી હતી કે પાકિસ્‍તાન પર હુમલો કરી આંતકીનો ખાત્‍મો બોલાવામાં આવે. ત્‍યારે દેશના જવાનોના બલિદાનના બાર દિવસ પછી ભારતીય વાયુસેના દ્વારા પાકિસ્‍તાન સ્‍થિત આંતકી કેમ્‍પ પર હુમલો કરી 300 જેટલા આંતકીનો ખાત્‍મો બોલાવતા સમગ્ર દેશમાં ખુશીની લાગણી સાથે દેશવાસીઓ ઝુમી ઉઠયા હતા અને મીઠાઈ વિતરણ કરી મોં મીઠા કરી રહયા હતા. તેમજ આતશબાજી પણ કરી રહયા હતા. ત્‍યારે બાબરા શહેર ભાજપ દ્વારા અહીં નાગરિક બેન્‍ક ચોકમાં આતશબાજી કરી ભારતીય સેનાની કામગીરીને બિરદાવી હતી. અહીં માજી ધારાસભ્‍ય વાલજીભાઈ ખોખરીયાની આગેવાની હેઠળ આયોજિત આ કાર્યક્રમમાં શહેરભાજપ પ્રમુખ લલિતભાઈ આંબલીયા, મહામંત્રી મુકેશભાઈ ખોખરીયા, બીપીનભાઈ રાદડીયા, પ્રતાપભાઈ ખાચર, બાવકુભાઈ ત્રિવેદી, કિરીટભાઈ પરવાડીયા, સુરેશભાઈ ભાલાળા, મયુરભાઈ રાવલ, રાજુભાઈ વિરોજા, રાજુભાઈ રંગપરા, મનીષભાઈ ગોહેલ સહિતના ભાજપના કાર્યકર્તાઓ જોડાયા હતા. માજી ધારાસભ્‍ય વાલજીભાઈ ખોખરીયાએ ભારતીય સેનાની કામગીરીને બિરદાવી જણાવ્‍યું હતું કે પ્રધાનમંત્રી નરેન્‍દ્ર મોદીએ જે કહયું એ કરીને બતાવ્‍યું છે પાકિસ્‍તાન સ્‍થિત આંતકી કેમ્‍પ પર જે હુમલો કરવામાં આવ્‍યો છે તે જોતા હવે આંતકીઓ ભારત દેશ પર નજર નાખતા સો વાર વિચારશે.



« (Previous News)