Main Menu

અમરેલીનાં શહેરીજનો માટે પીવાના પાણીની સમસ્‍યાનો ખતરો

ખોડીયાર જળાશય નજીક પમ્‍પીંગ મશીનરી લગાવવાની મંજુરી આપવામાં આવતીન હોવાનો આક્ષેપ

અમરેલી, તા. 13

અમરેલી પાલિકાનાં પ્રમુખ જયંતિભાઈ રાણવાએ કલેકટરને પત્ર પાઠવેલ છે.

પત્રમાં જણાવેલ છે કે, ખોડીયાર ડેમ જળાશયથી અમરેલી શહેર સુધીની પીવાના પાણીની પાઈપલાઈન 4ર.00 કિ.મી. લંબાઈની કામગીરી અમરેલી નગરપાલિકા તરફથી પૂર્ણ કરવામાં આવેલ છે.

હાલ ખોડીયાર ડેમ ખાતેના પમ્‍પ હાઉસની અંદર પાણી પુરવઠા બોર્ડની પમ્‍પીંગ મશીનરી કાર્યરત હોય અને અલગ-અલગ જુથ યોજનાઓમાં ખોડીયાર ડેમનાં પાણી સપ્‍લાય પાણસ પુરવઠા બોર્ડ તરફથી ચાલું હોય. આથી અમરેલી નગરપાલિકાએ તા. પ/11/18નાં રોજ સદરહું ખોડીયાર ડેમ ખાતેના પમ્‍પ હાઉસની ઉત્તરે 10.00 મીટર દુરથી પસાર થતી કેનાલમાં અમરેલી નગરપાલિકા હસ્‍તકનાં 100.00 હોર્સ પાવરનાં ચાર નંગ પમ્‍પીંગ મશીનરી સેટ ઉતારવા માટે કાર્યપાલક ઈજનેર, જળ સિંચાઈ વિભાગ અમરેલીને મંજુરી માટે પત્ર લખેલ અને સાથે સ્‍થળ-સ્‍થિતિનાં લેઆઉટ જોડેલ.

તા. રપ/10/18નાં રોજ અમરેલી નગરપાલિકા, પાણી પુરવઠા બોર્ડ તથા કોન્‍ટ્રાકટર સંયુકત રીતે ધારી ખોડીયાર ડેમ ખાતે સ્‍થળ વિઝીટ કરેલ અને તેના રોજકામ કરેલ અને પાણી પુરવઠા બોર્ડનાં માર્ગદર્શન મુજબ સદરહું પમ્‍પીંગ મશીનરી પમ્‍પ હાઉસની પાછળ પસાર થતી કેનાલમાં ઉતારવાનું નકકી થયેલ.

ગુજરાત પાણી પુરવઠા બોર્ડનાં કાર્યપાલકઈજનેર અને ચીફ ઓફિસર અમરેલી નગરપાલિકા તરફથી સંયુકત પત્ર તા. ર8/11/18નાં રોજ સદરહું પમ્‍પીંગ મશીનરી કેનાલમાં ઉતારવા બાબતે કાર્યપાલક ઈજનેરને પત્રથી મંજુરી આપવા જણાવેલ.

આ ઉપરાંત પણ કાર્યપાલક ઈજનેર, જળ સિંચાઈ વિભાગને સદરહું કેનાલમાં પમ્‍પીંગ મશીનરી ઉતારવા અમરેલી નગરપાલિકાને મંજુરી આપવા તા. ર8/11/18નાં રોજ પત્ર લખી જણાવેલ છે.

આમ ઉપરોકત તમામ બાબતોને ઘ્‍યાને લેતા હજુ આજદિન પર્યંત 3 માસથી વધારે સમય પસાર થવા છતાં કાર્યપાલક ઈજનેર જળ સિંચાઈ વિભાગ તરફથી ધારી ખોડીયાર ડેમનાં નીચવાસમાં પસાર થતી કેનાલમાં અમરેલી નગરપાલિકાની પમ્‍પીંગ મશીનરી ઉતારવાની મંજુરી આપવામાં આવતી ન હોય. આગામી ઉનાળાની સીઝન નજીક હોય શહેરનાં પીવાનાં પાણીની અછત ઉભી થવાની સંભાવના હોય. આ તમામ બાબતોને ઘ્‍યાને લઈ અમરેલી નગરપાલિકાને જળ સિંચાઈ વિભાગ તરફથી સદરહું કેનાલમાં પમ્‍પીંગ મશીનરી ઉતારવા માટેની મંજુરી મળે તે માટે જરૂરી કાર્યવાહી કરવા માંગ કરી છે.

ઉપરોકત બાબતની ગંભીરતા લેતા જણાવવાનું કે ઉનાળાની સીઝન શરૂ થવામાં છે. શહેરમાં મહી / નર્મદા આધારીત પાઈપલાઈન તથા ખોડીયાર ડેમ આધારીત પાઈપલાઈન સિવાય અમરેલી શહેર માટે પીવાનાં પાણીનાં સ્‍થાનિક કોઈ જ સ્‍ત્રોત ઉપલબ્‍ધ નથી. આ તમામ બાબતનેગંભીરતાથી લેવી જરૂરી હોય. જો જળ સિંચાઈ વિભાગ તરફથી અમરેલી નગરપાલિકાની પમ્‍પીંગ મશીનરી ખોડીયાર ડેમની નીચવાસની કેનાલમાં ઉતારવાની મંજુરી દિન-1પમાં ન આપવામાં આવે તો આગામી તા. 1/3/19ને શુક્રવારથી હું અને મારી બોડીનાં ચૂંટાયેલા સદસ્‍યો અમરેલી શહેરનાં હિતમાં ગાંધી ચિંઘ્‍યા માર્ગે પ્રતિક ઉપવાસ આંદોલન શહેરના રાજકમલ ચોકમાં કરવાની ફરજ પડશે તેમ અંતમાં જણાવેલ છે.



(Next News) »