Main Menu

સુળીયાટીંબા વિસ્‍તારમાં ગાળો બોલવાનાં મનદુઃખે બે પરિવારો વચ્‍ચે બઘડાટી

બન્‍ને પક્ષોએ સામસામી પોલીસ ફરિયાદ નોંધાવી

અમરેલી, તા. 13

અમરેલી નજીક સુળીયાટીંબા વિસ્‍તારમાં રહેતાં કરશનભાઈ આંબાભાઈ ધાધલ પોતાના ઘર સામે ઓટા ઉપર બેઠા હતા ત્‍યારે તે જ વિસ્‍તારમાં રહેતાં કિશનભાઈ ચમનભાઈ, દિનેશભાઈ ચમનભાઈ તથા ગોપાલભાઈ ચમનભાઈએ ત્‍યાં આવી ગાળો બોલતાં હોય જેથી આ કરશનભાઈએ ગાળો આપવાની ના પાડતાં સામેવાળા ત્રણેય ઈસમોએ ઉશ્‍કેરાઈ જઈ કરશનભાઈનાં પિતા આંબાભાઈને ધક્કો મારી પછાડી દઈ તથા લાકડી વડે માર માર્યો હતો જયારે કરશનભાઈને છરી વડે ઈજા કર્યાની ફરિયાદ સીટી પોલીસમાં નોંધાઈ છે. તો સામાપક્ષે જયાબેન ચિમનભાઈ ડાંગરે પણ સામેવાળા ડાયાભાઈ મુળજીભાઈ ધાધલ, રાજુભાઈ ભમરભાઈ ચાવડા તથા અનિલભાઈ ગોબરભાઈ ચાવડા સામે પ્‍લાસ્‍ટીકનાં પાઈપ વડે માર મારી જોશના તથા મંજુબેન વચ્‍ચે પડતા તેમને પણ માર મારી ઈજા કર્યાની ફરિયાદ સીટી પોલીસમાં નોંધાઈ છે.