Main Menu

ગોકુળનગર વિસ્‍તારમાં ગાળો બોલવાની ના પાડતાં છૂટા પથ્‍થરનો ઘા મારી ઈજા કરી

ર મહિલા સહિત 4 સામે નોંધાઈ પોલીસ ફરિયાદ

અમરેલી, તા. 13

અમરેલીનાં સાવરકુંડલા રોડ ઉપર આવેલ ગોકુળનગરમાં રહેતાં કાળુભાઈ ભનુભાઈ સરવૈયાએ તે જ વિસ્‍તારમાં રહેતાં રાહુલભાઈ મકવાણા કોઈક સાથે બોલાચાલી કરી ગાળો બોલતાં હોય જેથી કાળુભાઈએ તેમને ગાળો બોલવાની ના પાડતાં હંસાબેન બાબુભાઈ ગજેરા, નિનાબેન ગજેરા, રાહુલ મકવાણા તથા ગોવિંદભાઈએ ઉશ્‍કેરાઈ જઈ કંચનબેનને છૂટો પથ્‍થર મારી ઈજા કરી જાનથી મારી નાંખવાની ધમકી આપ્‍યાની ફરિયાદ નોંધાઈ છે.

તો સામાપક્ષે રાહુલભાઈ ભરતભાઈ મકવાણાએ પણ તે જ વિસ્‍તારમાં રહેતાં કાળુભાઈ ભનુભાઈ સરવૈયા, કંચનબેન કાળુભાઈ સરવૈયા તથા ભુપતભાઈ કાનાભાઈએ અગાઉના મનદુઃખનાં કારણે ધોકા, છરીહાથનાં કડા વડે માર મારી ઈજા કર્યાની સામી પોલીસ ફરિયાદ નોંધાવી છે.