Main Menu

બાબરા ખાતે તાલુકા કક્ષાની પશુપાલન શિબિર યોજાઈ

બાબરામાંગેબીવિસામા ખાતે લાઠી બાબરાના ધારાસભ્‍ય વિરજીભાઈ ઠુંમરની ઉપસ્‍થિતિમાં તાલુકા કક્ષાની પશુપાલન શિબિર યોજાઈ હતી. રાજયના પશુપાલન વિભાગ દ્વારા આયોજિત આ પશુપાલન શિબિરમાં પશુ ચિકિત્‍સક ડો. ભાડ, ડો. મકવાણા દ્વારા તાલુકાના પશુપાલકોને માહિતી અને માર્ગદર્શન આપવામાં આવ્‍યું હતું. આ શિબિરમાં તાલુકાના 300 જેટલા પશુપાલકોએ લાભ લીધો હતો. અહીં ગેબીવિસામાના મહંત રાજુબાપુ દ્વારા ધારાસભ્‍ય વિરજીભાઈ ઠુંમરનું સન્‍માન કરવામાં આવ્‍યું. આ શિબિરમાં ગેબીવિસામાના મહંત રાજુબાપુ, ધારાસભ્‍ય વિરજીભાઈ ઠુંમર, જિલ્‍લા કોંગ્રેસ અગ્રણી શરદભાઈ ધાનાણી, જિલ્‍લા શિક્ષણ સમિતિના ચેરમેન પ્રભાતભાઈ કોઠીવાળ, નગરપાલિકા પ્રમુખ વનરાજભાઈ વાળા, તાલુકા પંચાયત પ્રમુખ ધીરૂભાઈ વહાણી, ઉપપ્રમુખ કિશોરભાઈ દેથળીયા, જસમતભાઈ ચોવટીયા, વિહાભાઈ રાતડીયા સહિતના સ્‍થાનિક અગ્રણીઓ ઉપસ્‍થિત રહયા હતા. તાલુકા કક્ષાની પશુપાલન શિબિરને સફળ બનાવવા બાબરા પશુ દવાખાનાના સ્‍ટાફ દ્વારા જહેમત ઉઠાવવામાં આવી હતી.