Main Menu

બાબરામાં ગેરકાયદેસર રીતે બાયો ડિઝલનાં બનાવમાં પોલીસ ફરિયાદ

અમરેલી, તા. 9

ગોંડલ તાલુકાનાં દેરડી (કું) ગામે રહેતાં રાજેશ વેલજીભાઈ ગોહિલે બાબરા નજીક રાજકોટ-ભાવનગર રોડ ઉપર આવેલ ગોડાઉનમાં કોઈ અધિકારીની પરવાનગી અથવા તો લાયસન્‍સ વગર, અનઅધિકૃત રીતે બાયોડીઝલનો જથ્‍થો રાખેલ હતો આ અંગે ગત તા.13/6/18 નાં સાંજે તપાસ હાથ ધરવામાં આવેલ. આ બનાવમાં બાયોડીઝલ લીટર 107ર3 કિંમત રૂા.6,86,300નો ગેરકાયદે હોવાનું જાહેર થતાં આ બનાવમાં બાબરા મામલતદારે બાબરા પોલીસમાં ગુજરાત આવશ્‍યક ચીજવસ્‍તુ 19પપની કલમ 3ની જોગવાઈનાં ભંગની કલમ 7 નીચે ફરિયાદ નોંધાવતા બાબરા પોલીસે વધુ તપાસ હાથ ધરી છે.