Main Menu

અમરેલીનાં હજારો શહેરીજનો સહી ઝુંબેશમાં જોડાયા

અમરેલી બચાવો નાગરિક અભિયાન સમિતિને પ્રચંડ સમર્થન

અમરેલીનાં હજારો શહેરીજનો સહી ઝુંબેશમાં જોડાયા

શહેરનાં જુદા-જુદા 17 સ્‍થળોએ યોજાયેલ સહી ઝુંબેશમાં 8307 જેટલી સહી કરાઈ

ભાજપ-કોંગ્રેસનાં આગેવાનો તેમજ પાલિકા પ્રમુખે પણ સહી ઝુંબેશમાં સહકાર કર્યો

અમરેલી, તા. 7

અમરેલી બચાવો નાગરિક અભિયાન સમિતિનાં બેનરતળે ડો. ભરત કાનાબાર અને પી.પી. સોજીત્રાનાં માર્ગદર્શનતળે શહેરની બિસ્‍માર હાલતનાં વિરોધમાં શરૂ થયેલ જનઆંદોલનને શહેરીજનો તરફથી પ્રચંડ સમર્થન મળી રહૃાું છે.

દરમિયાનમાં ગઈકાલે શહેરનાં જુદા-જુદા 17 સ્‍થળોએ સહી ઝુંબેશ કેન્‍દ્ર ઉભા કરવામાં આવ્‍યા હતા. જેમાં 8307 જેટલા શહેરીજનોએ સહી કરીને આંદોલનને સમર્થન આપેલ હતું.

શહેરમાં ે યોજાયેલ સહી ઝુંબેશમાં પાલિકા પ્રમુખ જયંતિભાઈ રાણવા, ધારાસભ્‍ય અને વિપક્ષીનેતા પરેશ ધાનાણીએ પણ સહી કરીને સમર્થન આપેલ હતું.

આજે શુક્રવારે સવારે 9 કલાકે વિશાળ રેલી સ્‍વરૂપે શહેરીજનો બજાર બંધ રાખીને કલેકટરને આવેદનપત્ર પાઠવશે. જેમાં દરેક શહેરીજનોને જોડાવવા ડો. કાનાબારે અનુરોધ કરેલ છે.