Main Menu

ભચાઉ પોલીસ સ્‍ટેશનનાં ગુન્‍હામાં ફરાર આરોપીને ચિતલમાંથી દબોચી લેવાયો

8 વર્ષથી આરોપી નાશતો-ફરતો હતો

અમરેલી,તા. 7

પૂર્વ કચ્‍છ ગાંધીધામ જીલ્‍લાનાં ભચાઉ પોલીસ સ્‍ટેશન ફ.ગુ.ર.નં. પ7/ર01ર આઈપીસી કલમ-4પ4, 4પ7, 380 વિગેરે મુજબના કામે ઘરફોડ ચોરીના ગુન્‍હાના કામે છેલ્‍લા આઠ વર્ષથી પોતાની કાયદેસરની ધરપકડ ટાળવા માટે નાશતો ફરતો વોન્‍ટેડ આરોપી નાનજીભાઈ ઉર્ફે નનકો ઉર્ફે ઠેડો બાબુભાઈ દેવીપુજક રહે. બાબરીયાધાર તા. રાજુલા, જી. અમરેલી વાળાને ચિતલ ગામે કાળવા ચોકમાંથી પકડી પાડવામાં સફળતા મેળવેલ છે.

તપાસ અર્થે પૂર્વ કચ્‍છ ગાંધીધામ જીલ્‍લાના ભચાઉ પોલીસ સ્‍ટેશનને સોંપવા સારૂ અમરેલી તાલુકા પોલીસ સ્‍ટેશનનઓને સોંપી આપેલ છે.

આમ પોલીસ અધિક્ષકની સુચનાથી પેરોલ ફર્લો સ્‍કોર્ડ અમરેલીના ઈન્‍ચાર્જ પોલીસ સબ ઈન્‍સ્‍પેકટર ડી.કે. વાઘેલાનાઓના માર્ગદર્શન મુજબ પેરોલ ફર્લો સ્‍કોર્ડ ઘ્‍વારા છેલ્‍લા આઠ વર્ષથી ઘરફોડ ચોરીના ગુન્‍હામાં પૂર્વ કચ્‍છ ગાંધીધામ જીલ્‍લાના ભચાઉ પોલીસ સ્‍ટેશનના નાશતા-ફરતા આરોપીને પકડી પાડી ધોરણસરની કાર્યવાહી કરેલ છે.