Main Menu

લ્‍યો બોલો : ધારી શહેરમાં તોફાની બનેલ ગાયને મહામુસીબતે કાબૂમાં લેવાઈ

પંચાયતનાં શાસકો અને ગૌ-પ્રેમીઓ દ્વારા

લ્‍યો બોલો : ધારી શહેરમાં તોફાની બનેલ ગાયને મહામુસીબતે કાબૂમાં લેવાઈ

ગાયને જરૂરી સારવાર અર્થે ખસેડવામાં આવી

ધારી, તા.પ

ધારીમાં એક કાળીવઢીયારી ગાય હડકાયી બની રસ્‍તે નિકળતા રાહદારીઓ અને વાહનચાલકોને હડફેટે લેતા લોકોના જીવ તાળવે ચોંટી ગયા હતા. આ ગાયને નાથવા ગ્રામ પંચાયતની ટીમ અને ગૌસેવકે જીવસટોસટની બાજી ખેતી સતત બે કલાક ઝઝૂમી મારકણી ગાયને નાડે બાંધી લોકોને ગાયના આતંકમાંથી મુકત કરાવ્‍યા હતા.

ધારીના પોષ વિસ્‍તાર વૃંદાવન સોસાયટીમાં એક કાળી                 વઢીયારી ગાય હડકાયી બની રસ્‍તે નિકળતા રાહદારીઓ અને વાહનચાલકોને હડફેટે લેતી હોવાના સમાચાર મળતા નાડાની વ્‍યવસ્‍થા કરી ગૌસેવક સ્‍થળ પર પહોંચી ગયા હતા. સૂર્યમુખી હનુમાનજી પાસે અફડાતફડી મચાવી રહેલી ગાયને પકડવા મથામણ શરૂ કરી દેતા સ્‍થિતિ કંટ્રોલ બહાર જણાઈ હતી. બાદમાં પંચાયતના કર્મચારી રમેશભાઈ મકવાણાને સ્‍થળ પર બોલાવતા તેઓ ટ્રેકટર સાથે કામદારોને લઈને પહોંચી ગયા હતા. પરંતુ ગાય હુંફળીયુ ખાતા વૃંદાવનથી શિવનગર, અજંતા, નાલંદા અને વાઘાપરામાં દોટાદોટ કરતી જે કોઈ આડુ ઉતરે તેને શિંગડા ભરાવતી ગલીઓ ખૂંદતી આમતેમ ભાગી રહી હતી. દરમિયાન તે અજંતા સોસાયટીની છેલ્‍લી શેરીમાં જઈ સપડાઈ ગઈ હતી. ગલીના બન્‍ને નુકકડ પર ટ્રેકટર ગોઠવી દઈ ગાયને પકડવા ગૌસેવક કિશોર વરમોરા જૈન ઉપાશ્રયની દિવાલ પર ચઢી ગયા બાદ ઉપરથી ગાયના શિંગડા અને ગળામાં ગાળીયો નાખીટ્રેકટર સાથે બાંધી દીધેલ અને ખૂબ સારૂ પાણી માથે નાખી ગાયને ઠંડી પાડેલ. બાદમાં ગાયને જેસીબી મારફત ટ્રેકટરમાં ચઢાવી વારીગૃહમાં લઈ જવામાં આવેલ અને જયાં તેની જરૂરી સારવાર અને દરકાર પંચાયતે આદરી છે.



(Next News) »