Main Menu

અમરેલી સિવિલ હોસ્‍પિટલ-મેડિકલ કોલેજની મુલાકાત લેતા ઉદ્યોગપતિ વસંતભાઈ ગજેરા    

અમરેલી સિવિલ હોસ્‍પિટલ તથા નવી બની રહેલ મેડિકલ કોલેજની શુભેચ્‍છા મુલાકાત લેવા માટે ઉદ્યોગપતિ વસંતભાઈ ગજેરા આવી પહોંચતા તેઓએ અમરેલી સિવિલ હોસ્‍પિટલમાં દાખલ થયેલ દર્દીઓના ખબર અંતર પૂછયા હતા. પત્રકારો સાથે વાતચીત કરતા વસંતભાઈ ગજેરાએ જણાવ્‍યું હતું કે, આગામી દિવસોમાં સિવિલ હોસ્‍પિટલમાં વધુ આધુનિક સુવિધાઓ ઉભી કરવામાં આવશે. હાલમાં નાની-મોટી બિમારી દરમિયાન દર્દીઓને રાજકોટ, અમદાવાદ જેવા મોટા સેન્‍ટરોમાં મોંઘી સારવાર લેવા જવું પડે છે. હવે તેવી સુવિધાઓ આગામી સમયમાં અમરેલીમાં વિનામૂલ્‍યે મળી રહે તે માટે સિવિલ હોસ્‍પિટલમાં સુવિધાઓ, ડોકટર્સ તથા જરૂરી સ્‍ટાફ પણ તૈયાર કરવામાં આવશે. આ મુલાકાત સમયે પિન્‍ટુભાઈ ધાનાણી સહિતના લોકો ઉપસ્‍થિત રહયા હતા.