Main Menu

ખડખડથી ભુખલીસાથળી સુધીનો માર્ગ બનાવવામાં દે ધનાધન

30 વર્ષ બાદ માર્ગ બન્‍યો તેમાં પણ લોટ, પાણીને લાકડા

ખડખડથી ભુખલીસાથળી સુધીનો માર્ગ બનાવવામાં દે ધનાધન

નબળુ કામ હોવા છતાં પણ કોન્‍ટ્રાકટરને પેમેન્‍ટ ચુકવી દીધાનો આક્ષેપ

વડીયા, તા. 4

વડીયા તાલુકાના ખડખડ ગામથી ભુખલીસાથળી સુધીના બનેલા ડામર રોડની સાઈડો બુરવામાં આવી નથી અને રોડની સાઈડો પરઉગેલા વૃક્ષો રોડ પર ઢળી પડયા છે. જેને લઈને અકસ્‍માતનો ભય ગ્રામજનોમાં સતાવી રહૃાો છે. વૃક્ષોના કટીંગની માંગ કરી રહૃાા છે ગ્રામજનો. ખડખડ ગામથી ભુખલીસાથળી સુધી બનેલા પુલો ઉપર ડામર પાથરવામાં આવ્‍યો નથી. પુલના આરસીસી કામમાં ભ્રષ્‍ટાચાર થયાની શંકાઓ ઉદભવી છે. 30-30 વર્ષે ગામમાં આરસીસી રોડનું નકળું કામ થયાની આશંકાઓ ઉદભવી, માત્ર બેજ મહિનામાં ગામડાઓ પડી ગયા, ઉડતી ધુળની ડમરી થઈ શરૂ, પુલના આરસીસીના થયેલ કામમાં પગની એડી મારે ત્‍યાં તુટતું જાય છે. ચોમાસાની ઋતુમાં આ પુલોમાં ભ્રષ્‍ટાચારની આશંકાઓને લઈને તૂટી જવાની સંભાવનાના અનુમાન કરી રહૃાા છે ગ્રામજનો. ખડખડ ગામના સરપંચ મંગળુભાઈએ તંત્રને અનેક લેખિત રજુઆતો કરી પણ તંત્ર હજુ સુધી તપાસ કરવા પણ આવ્‍યું નથી. શું ઉચ્‍ચ અધિકારીઓની મિલીભગત હશે ? વેધક સવાલો સતાવી રહૃાા છે ગ્રામજનોમાં. હાલ આ પુલો અને ડામર રોડ તેમજ આરસીસી રોડ બન્‍યા તેને એક વર્ષ પણ થયું નથી ત્‍યાં તુટવાની ફરિયાદો ઉઠી છે.     નબળા કામની અને અધુરા કામો કરી કોન્‍ટ્રાકટરો પૂર્ણ બતાવી મલાઈ તારવી ગયાના આક્ષેપો અને ફરિયાદ કરી રહૃાા છે ગ્રામજનો.

છેવાડાના ગામોમાં વિકાસના નામે ભ્રષ્‍ટાચાર થયાની ઉઠી છે ફરિયાદો પરંતુ બેઘ્‍યાન તંત્રને બહેરા કાને લેખિત વાતપહોંચી નથી. જેથી કોઈ તપાસ થાય છે કે અધુરા કામોથી પીડાતા ખડખડ ગામના ગ્રામજનોના પ્રશ્‍નો હલ થાય. ખડખડ ગામના ગ્રામજનો જાયે તો જાયે કહા તેવી પરિસ્‍થિતિ ઉભી થઈ છે. તંત્રથી લઈને ધારાસભ્‍ય સુધી લેખિત ફરિયાદો કરવા છતાં તંત્ર ગાઢ નિંદ્રામાં હોય તેવા વેધક સવાલો કરી રહૃાા છે ગ્રામજનો. જો આ કામની પૂર્ણ તપાસ કે અધુરા કામો પૂર્ણ નહીં થાય તો ખડખડ ગામના ગ્રામજનો ગાંધી ચિંઘ્‍યા માર્ગ અપનાવશેની ચીમકી આપી છે.