Main Menu

મોટા ભંડારીયા ગામની સીમમાં ખેતરની વાડ બનાવવા સામસામી મારામારી

અમરેલી, તા. 4

અમરેલી તાલુકાનાં મોટા ભંડારીયા ગામે રહેતાં પરશોતમભાઈ કાનજીભાઈ ગમઢા નામનાં 6રવર્ષિય વૃઘ્‍ધ તથા તેમના નાના ભાઈ ગઈકાલે સાંજનાં સમયે પોતાની વાડીએ આંટો મારવા ગયેલા ત્‍યારે તે જ ગામે રહેતાં મેરામભાઈ ભીમાભાઈ તથા મેરામભાઈનાં પત્‍નિ ખેતરનાં શેઢે વાડને  વંડી બનાવવા માટે કાપેલ હોય જેથી આ વૃઘ્‍ધ ખેડૂતે ના પાડેલ તે વાતનું મનદુઃખ રાખી વૃઘ્‍ધ ખેડૂતને ગાળો આપી, હાથમાં રહેલ પાવડા વડે હુમલો કરી માથાનાં ભાગે ઈજા કર્યાની ફરિયાદ પોલીસમાં નોંધાવી છે. તો સામાપક્ષે ઉપરોકત કારણ અને બનાવ બાબતે મેરામભાઈ ભીમાભાઈ પાડસાલીયા નામનાં 48 વર્ષિય શ્રમિક પણ પોલીસમાં સામી ફરિયાદ નોંધાવેલ. જેમાં લાકડા વડે માર મારી મેરામભાઈનાં પત્‍નિને પછાડી દઈ જાનથી મારી નાંખવાની ધમકી આપવા અંગે પરશોતમભાઈ ગમઢા તથા પ્રાગજીભાઈ કાનજીભાઈ ગમઢા સામે ફરિયાદ નોંધાવતા અમરેલી તાલુકા પોલીસે બન્‍ને શેઢા પડોશીની ફરિયાદ નોંધી વધુ તપાસ હાથ ધરી છે.