Main Menu

વિદેશી દારૂનાં બનાવમાં આરોપીઓએ ખોટા ઓળખ દસ્‍તાવેજ પણ ઉભા કર્યા

બાબરા નજીક આવેલ દરેડ ગામેથી ઝડપાયેલ

વિદેશી દારૂનાં બનાવમાં આરોપીઓએ ખોટા ઓળખ દસ્‍તાવેજ પણ ઉભા કર્યા

અમરેલી, તા.4

બાબરા તાલુકાના દરેડ ગામે ગત તા.9/1નાં રોજ સીમમાંથી વિદેશી દારૂ બોટલના મોટાજથ્‍થા તથા વાહન નંગ-પ મળી કુલ રૂા. 69,ર9,000ના મુદામાલ સાથે બાબરા પોલીસે જે તે સમયે એક આરોપી ઝડપી લઈ વધુ કેટલાકની તપાસ દરમિયાન અટક કરી આગળની તપાસ હાથ ધરી હતી.

પોલીસ દ્વારા હાથ ધરાયેલ આ તપાસ દરમિયાન આરોપી રમેશ મનોરભાઈ સોલંકી, નરૂદીન બાવલભાઈ ભટ્ટી, સોયેબ ઉર્ફે ઈકબાલ હનીફભાઈ મેતર સહિત 13 જેટલા શખ્‍સોએ પોતાના આર્થિક ફાયદા અને દારૂની હેરાફેરી કરવાના ગુન્‍હાહીત કાવત્રુ રચવા માટે થઈ અલગ અલગ વ્‍યકિતના નામના ઓળખ પુરાવાના દસ્‍તાવેજો ચોરી કરી અથવા તો કોઈપણ રીતે મેળવી લઈ આરોપીઓએ પોતાની ઓળખ છૂપાવવા માટે અન્‍યના નામે મોબાઈલ ફોનના સીમકાર્ડ મેળવી અને બોગસ ઉભા કરાયેલા આ ઓળખ પુરાવાને સાચા તરીકે ઉપયોગ કર્યાનું ખૂલતા બાબરાના પી.એસ.આઈ. જી.ડી. આહીરે આ તમામ 13 જેટલા શખ્‍સોમાં આઈ.પી.સી. 467, 468, 471, 419, 379, 1ર0 (બી) અને 34 મુજબ ફરિયાદ નોંધી વધુ તપાસ હાથ ધરી છે.

અત્રે ઉલ્‍લેખનીય છે કે આ વિદેશી દારૂ પ્રકરણમાં પોલીસે આરોપીને જામીન ન મળે તે માટે થઈ ધારદાર દલીલો રજૂ પણ કરી હતી.