Main Menu

રાજુલામાં રહેણાંક મકાનમાં વિદેશી દારૂનો ચાલતો વેપાર ઝડપાયો

અમરેલી, તા.ર

પોલીસ અધિક્ષક નિર્લિપ્‍ત રાયે અમરેલી જિલ્‍લામાં દારૂની મહેફીલ કરતા અને ગેરકાયદેસર વિદેશી દારૂ અંગેની ચોરી છૂપીથી હેરાફેરી કરતા અને પરપ્રાંત વિદેશી દારૂનું વેચાણ કરતા ઈસમો તેમજ જિલ્‍લાના લિસ્‍ટેડ પ્રોહી બુટલેગર્સની પ્રવૃતિ અંગે વોચ રાખવા અને દારૂની બદી નેસ્‍ત નાબુદ કરવા અને લોકોને વ્‍યસન મુકત કરવા અને વધુમાં વધુ પ્રોહીબીશનના કેસો કરવા સૂચના આપેલ હોય જે અન્‍વયે રાજુલા પો.સ્‍ટે.ના પો. ઈન્‍સ. ડી.એ. તુવરને બાતમી મળેલ કે રાજુલામાં ભેરાઈ રોડ પર રહેતા વલ્‍કુભાઈ માણકુભાઈ           વાળા તથા ઈમરાન અબ્‍દુલભાઈ કાબરીયા રહે. રાજુલા, મફતપરા   વાળા વલકુભાઈના રહેણાંક મકાને ભારતીય બનાવટનો વિદેશી દારૂ રાખી વેચાણ કરે છે તેવી ચોકકસ બાતમી આધારે ના.પો. અધિ. સાવરકુંડલા વિભાગ કે.જે. ચૌધરીના માર્ગદર્શન હેઠળ રાજુલા પો.સ્‍ટે.ના પો. ઈન્‍સ. ડી.એ. તુવર તથા પો. સબ ઈન્‍સ. વી.વી. પંડયા તથા પો. સબ. ઈન્‍સ. જી.જી. જાડેજા તથા રાજુલા પો. સ્‍ટે. સ્‍ટાફ દ્વારા વલકુભાઈ માણકુભાઈ વાળાના રહેણાંક મકાને રેઈડ કરતા ભારતીય બનાવટનો વિદેશીદારૂ (1) મેકડોલ નં-1, રીઝર્વ વ્‍હીસ્‍કી 7પ0 મીલી.ની બેંગ્‍લોર બનાવટની બોટલ નંગ-9 કિંમત રૂા.ર700 તેમજ (ર) રોયલ ચેલેન્‍જ ફાઈનેસ્‍ટ પ્રિમીયમ વ્‍હીસ્‍કી 7પ0 મી.લી.ની બેંગ્‍લોર બનાવટની બોટલો નંગ-48 કિંમત રૂા. ર4,960 તેમજ (3) રોયલ સ્‍ટેગ કલાસીક વ્‍હીસ્‍કી 7પ0 મીલીની પંજાબ બનાવટની બોટલો નંગ-1ર કિંમત રૂા. 3600 મળી કુલ પ્રોહી. મુદામાલ કિંમત રૂા. 31,ર60નો  મળી આવેલ છે.

આરોપીઓ : (1) ઈમરાન અબ્‍દુલભાઈ કાબરીયા, (ર) વલકુભાઈ માણકુભાઈ વાળા. ઉપરોકત આરોપીઓ વિરૂઘ્‍ધ રાજુલા પો. સ્‍ટે.માં પ્રોહી એકટ મુજબ ગુન્‍હો રજી. કરી ધોરણસરની કાર્યવાહી કરેલ છે.