Main Menu

અમરેલીની મોંઘીબા મહિલા આર્ટસ કોલેજ ખાતે પ્રજાસત્તાક દિનની ઉજવણી

અમરેલી જિલ્‍લા વિદ્યાસભા સંચાલિત માતુશ્રી મોંઘીબા મહિલા આર્ટસ કોલેજ ખાતે પ્રજાસતાક પર્વની ગરિમાપૂર્ણ ઉજવણી કરવામાં આવી. કાર્યક્રમની શરૂઆતમાં એન.સી.સી.ની બહેનોએ પરેડ કરી હતી. ત્‍યારબાદ કોલેજના આચાર્યા ડો. સેન મેડમના વરદ હસ્‍તે રાષ્‍ટ્ર ઘ્‍વજ લહેરાવવામાં આવેલ. આ પ્રસંગે ડો. સેન મેડમે પ્રાસંગિક ઉદબોધનમાં વર્તમાન સમયમાં રાષ્‍ટ્ર ભકિતનું મહત્‍વ સમજાવી શહીદોને યાદ કરો રાષ્‍ટ્ર માટે સમર્પણ કરવાનો પ્રેરક સંદેશ આપ્‍યો હતો. પ્રા. ડો. ગીરીશ વેલિયતે રાષ્‍ટ્ર પ્રેમનો અસરકારક સંદેશો આપ્‍યો હતો. પ્રાદેશિકવાદને છોડી રાષ્‍ટ્રવાદની જરૂરિયાત સમજાવી હતી. આ પ્રસંગે એન.સી.સી. કેડેટસ દ્વારા એન.સી.સી.નું થીમ સોંગ રજૂ કરવામાં આવેલ. ઘ્‍વજ વંદન કાર્યક્રમ બાદ એન.સી.સી. તથા એન.એસ.એસ.નીવિદ્યાર્થીનીઓએ રંગારંગ સાંસ્‍કૃતિક કાર્યક્રમ રજૂ કરેલ. આજના કાર્યક્રમના શાસ્‍ત્રીય નૃત્‍ય, ગૃપ ડાન્‍સ તેમજ સોલો ડાન્‍સ રજૂ કરવામાં આવ્‍યા હતા. સમગ્ર કાર્યક્રમનું સુચારૂ અને અતિ સુંદર રીતે સંચાલન મહાજન બિજલે કરેલ. તેઓએ દેશને માટે શહીદ થયેલ જવાનની વ્‍યથા જણાવેલ. આભાર વિધિ કોલેજના એન.સી.સી. પ્રોગ્રામ ઓફિસર પ્રા. એસ.ડી. પરમારે કરેલ.



« (Previous News)