Main Menu

અમરેલી જિલ્‍લા સહિત દેશભરમાં ભયંકર બેરોજગારી : દર વર્ષે ર કરોડ નોકરી આપવાનાં વચનનું સુરસુરીયુ

દેશનાં વિપક્ષી નેતાઓ આગામી દિવસોમાં બેરોજગારી પ્રશ્‍ને હલ્‍લાબોલ કરે તેવી શકયતાઓ

નવી દિલ્‍હી, તા. 31

કેન્‍દ્ર સરકાર દેશના અર્થતંત્ર અને રોજગારીનું ચિત્ર સારું બતાવવાનો પ્રયાસ કરી રહી છે પરંતુ દેશમાં શિક્ષિત યુવાનો રોજગાર વગર વલખા મારી રહૃાા છે તેવી ગંભીર સ્‍થિતિને છુપાવી રહી છે અને આ હકીકતનો પર્દાફાશ નેશનલ સેમ્‍પલ સર્વે ઓફિસ ઘ્‍વારા કરવામાં આવ્‍યો છે. જેમાં નેશનલ સેમ્‍પલ સર્વેનો એક રિપોર્ટ બહાર આવ્‍યો છે અને તેમાં એવો ઉલ્‍લેખ છે કે, દેશમાં ભયંકર બેરોજગારી છે અને તે ચાર દશકાની ટોચ ઉપર છે.

રિપોર્ટમાં સવિસ્‍તરણ આંકડાકીય માહિતી પુરી પાડવામાં આવી છે. જેમાં એવો ઉલ્‍લેખ છે કેર017-18માં દેશમાં બેરોજગારીનો રેટ ચાર દશકાની ટોચ ઉપર એટલે કે 6.1 ટકા રહૃાો છે.

સરકારે આ સર્વેના રિપોર્ટને દબાવવાનો પ્રયાસ કર્યો હતો અને યુવાનોમાં ભયંકર બેરોજગારી દેખાઈ છે તેવી વાત છુપાવવાનો પ્રયાસ કર્યો છે. ફકત સારી સારી વાતો કરીને લોકોને ઉલ્‍લુ બનાવવાના નાણામંત્રાલય સહિતના અલગ-અલગ મંત્રાલયોના પેંતરા ખુલ્‍લા પડી ગયા છે.

આ રિપોર્ટ વિવાદાસ્‍પદ બની રહેવાની સંભાવના છે કારણ કે, ગઈકાલે જ નેશનલ આંકડાકીય કમિશનના ચેરમેન અને સભ્‍યએ રાજીનામા આપી દીધા હતા. મોદી સરકારે તેમના રિપોર્ટને દબાવી દીધો હતો તેનાથી નારાજ થઈને તેમણે રાજીનામા આપી દીધા હતા અને આ દરમિયાન નેશનલ સેમ્‍પલ સર્વેનો રિપોર્ટ સાચો બહાર આવી ગયો છે ત્‍યારે મોદી સરકારની મૂંઝવણ વધી ગઈ છે.

નેશનલ સેમ્‍પલ સર્વેના રિપોર્ટમાં એવો ઉલ્‍લેખ છે કે, 197ર-73માં દેશમાં બેરોજગારીનો દર સૌથી ટોચ પર હતો અને ત્‍યારબાદ ર017-18માં તેનાથી પણ ઉંચો બેરોજગારીનો દર ગયો છે. શિક્ષિત યુવાનો નોકરી માટે ફાફા મારી રહૃાા છે અને પરિવારો તબાહ થઈ રહૃાા છે. શિક્ષણ પાછળ લાખો રૂપિયાનો ખર્ચ કરનારા મા-બાપો ભયંકર માનસિક પીડા ભોગવી રહૃાો છે. નોટબંધી બાદ રોજગારી વધી છે તેવા સરકારના દાવા હાસિયાસ્‍પદ અને ઉલ્‍લુ બનાવનારા સાબીત થઈ રહૃાા છેતેમ આ રિપોર્ટ પરથી પુરવાર થાય છે. દેશની જનતાને બેરોજગારીની આવી ભયંકર સ્‍થિતિની સાચી માહિતી નહીં આપવાના સરકારના વલણની સામે વિપક્ષ તડાપીટ બોલાવશે તેવી શકયતા છે. દેશમાં ભયંકર બેરોજગારી છે તે વાતને લઈને વિપક્ષ ઘ્‍વારા સરકાર પર આકરા પ્રહારો કરવામાં આવે તેવું દેખાય છે. ગઈકાલે પણ નેશનલ આંકડાકીય પંચના ચેરમેનના રાજીનામા બાદ પૂર્વ નાણામંત્રી અને કોંગ્રેસના નેતા ચિદમ્‍બરમે આકરી ટીકા કરી હતી અને વધુ એક સંસ્‍થાનું પતન થયું હોવાનો ભારે ઉગ્ર પ્રતિભાવ આપ્‍યો હતો અને દેશમાં ભયંકર બેરોજગારી ફાટી   નીકળી છે તે હકીકત બહાર આવી છે. ત્‍યારે કોંગ્રેસ સહિતના વિપક્ષ સરકારને સામસામે લેશે તેવું દેખાય છે.