Main Menu

લાઠીના મતિરાળા અને દુધાળા ખાતેથી 11 પત્તાપ્રેમીઓને ઝડપી લેવાયા

અમરેલી, તા.31

લાઠી તાલુકાના મતિરાળા ગામે રહેતા નરેશ દાનાભાઈ લુવાર, વિજય હરજીભાઈ બગડા વિગેરે પાંચ જેટલા ઈસમો ગઈકાલે સાંજના સમયે મતિરાળા ગામે આવેલ જીનની સામે કાંટાની વાડમાં કુંડાળુ વળી પૈસાની હાર-જીતનો તીનપતીનો જુગાર રમતા હોય, લાઠી પોલીસે દરોડો કરી રોકડ રકમ રૂા. 4060, મોટર સાયકલ નંગ-3 કિંમત રૂા. પ0,000 મળી કુલરૂા. પ4,060ની મતા સાથે પાંચેય ઈસમોને ઝડપી લઈ કાયદેસરની કાર્યવાહી હાથ ધરી હતી.

જયારે બીજા બનાવમાં દુધાળા ગામની સીમમાં અરજણભાઈ રાઠોડની વાડી પાસે ગઈકાલે બપોરે લાઠી ગામે રહેતા અને હીરા ઘસવાનું કામ કરતા મુન્‍નાશા નનુશા ફકીર તથા કેરાળા ગામે રહેતા કિશોર બેચરભાઈ મકવાણા સહિત 6 જેટલા ઈસમો જાહેરમાં પૈસાની હારજીતનો તીનપતીનો જુગાર રમતા હોય પોલીસે તેમને પણ ઝડપી લીધા હતા.