Main Menu

બાબરાનાં ખાખરીયા ગામની સીમમાંથી દેવીપૂજક આધેડ મહિલાની લાશ મળી

ચરખાની મહિલા બે દિવસથી ગુમ થયા બાદ લાશ મળી

લાશ નજીકથી ઝેરી દવાની કોથળી મળી, તપાસ શરૂ

બાબરા, તા.31

બાબરા તાલુકાનાં ખાખરીયા ગામ નજીકની સીમમાં દેવીપૂજક પરિવારનાં કુળદેવી મેલડી માતાના મઢ નજીકથી 4પ વર્ષિય આધેડ મહીલાની લાશ મળી આવતાં પોલીસ હેડ કોન્‍સ. નવઘણભાઈ સીંધવ સહીતનો કાફલો મોડી સાંજે ઘટના   સ્‍થળે દોડી જવા પામેલ છે.

મળતી વિગત મુજબ ચરખા ગામે રહેતી દેવીપૂજક ચંપાબેન કાળુભાઈ ચારોલીયા (ઉ.વ. 4પ) ગઈકાલ બપોર બાદ પોતાના ઘેરથી બાબરાની બુધવારી બજારમાં ખરીદી કરવા માટે નીકળ્‍યા બાદ ઘેર પરત નહીં આવતા પોલીસ મથકમાં મહીલા ગુમ થવા અંગે આજે બપોર બાદ અરજ આપવામાં આવી હતી.

બાદમાં તેની લાશ કુળદેવી મંદિર નજીકથી મળવા પામતા અનેક તર્ક થવા પામ્‍યા છે. ઘટના સ્‍થળે દોડી ગયેલી પોલીસનાં જણાવ્‍યા મુજબ મહીલાની લાશ નજીકથી ઝેરી દવાની કોથળી મળી આવી છે. અને હાલ ડેથ બોડી સીવીલમાં ખસેડવા તજવીજ શરૂ છે. પારિવારીક પુછપરછ બાદ બનાવ અંગે ભેદ ઉકેલાવા સંભવ હોવાનું જાણવા મળેલ છે.