Main Menu

હદ થઈ : બાબરા શહેરમાં ખુંટિયાઓએ તરખાટ મચાવતાં જીવદયા પરિવારે કાબુ મેળવ્‍યો

શહેરમાં અંદાજિત 100 જેટલા ખુંટિયાઓનો આંતક

હદ થઈ : બાબરા શહેરમાં ખુંટિયાઓએ તરખાટ મચાવતાં જીવદયા પરિવારે કાબુ મેળવ્‍યો

રખડતા પશુઓની સમસ્‍યાઓનું કોઈ નિરાકરણ થતું નથી

બાબરા, તા. 31

બાબરામાં વધતા જતા આખલાઓના ત્રાસના કારણે શહેરના લોકોમાં ભયની લાગણી છે. કારણ કે અહીં રોડ વચ્‍ચે તેમજ મુખ્‍ય બઝારમાં આ અવારનવાર આખલા યુઘ્‍ધ સર્જાય છે. જેના કારણે લોકોને ઘણીવાર નાનીમોટી ઈજાઓ થાય છે. તેમજ રોડ વચ્‍ચે આખલા યુઘ્‍ધનાં કારણે અનેક અકસ્‍માતો સર્જાય છે. બાબરા શહેરમાં એકઅંદાજ મુજબ 100 વધુ ખુંટિયાનું વસવાટ છે, જેના કારણે અવારનવાર આખલા યુઘ્‍ધ સર્જાય છે, અને રાહદારીઓને હાડમારી ભોગવવાનો વારો આવે છે. તેમજ આખલો માનસિક સ્‍થિતિ ગુમાવે ત્‍યારે શહેરની પરિસ્‍થિતિ વધુ વણશે છે અને અફડાતફડીનો માહોલ સર્જાય છે. હજુ થોડા દિવસોમાં પહેલા એક ખુંટિયાએ માનસિક સ્‍થિરતા ગુમાવતા પાલિકા પ્રમુખ ર્ેારા ચાર જેટલી ટિમો બનાવી મહામહેનતે ખુંટિયાને કાબુ કરવામાં આવ્‍યો હતો.

ત્‍યારે આજે બપોરે ફરીવાર વધુ એક ખુંટિયાએ અસ્‍થિરતા ગુમાવતા ભારે નાસભાગ મચી ગઈ હતી જોકે આ આખલો કોઈને નુકશાન પહોંચાડે તે પહેલાં જીવદયા પરિવારનાં સભ્‍યો ર્ેારા તાબડતોબ ખુંટિયાને કાબુ કરી શહેરની બહાર મુકવામાં આવતા લોકોએ રાહતની લાગણી પ્રસરી ગઈ હતી.