Main Menu

અમરેલી જિલ્‍લામાંપ્રાથમિક શિક્ષણની હાલત કફોડી

અનેક શાળાઓમાં શિક્ષક-શિક્ષિકાઓની અનિયમિતતા સામે રોષ

અમરેલી જિલ્‍લામાંપ્રાથમિક શિક્ષણની હાલત કફોડી

પ્રાથમિક શિક્ષકોની અનેક જગ્‍યાઓ ખાલી હોય તે અંગે પણ સરકાર ચિંતીત નથી

અમરેલીનાં ખડખંભાળીયા ગામે શિક્ષકોની ગેરહાજરીને લઈને સરપંચે નારાજગી વ્‍યકત કરી

અમરેલી, તા. 30

અમરેલી જિલ્‍લાની સરકાર પ્રાથમિક શાળાઓમાં દિનપ્રતિદિન શિક્ષણની હાલત કફોડી બની રહી છે. અનેક શાળાઓમાં શિક્ષકોની જગ્‍યા ખાલી છે તો અનેક શાળામાં શિક્ષકો શિક્ષણ આપતા નથી તો અનેક            શાળાઓમાં મકાનનો અભાવ જોવા મળી રહૃાો છે.

અમરેલી જિલ્‍લામાં સરકારી પ્રાથમિક શાળામાં ગરીબ અને મઘ્‍યમવર્ગીય પરિવારનાં બાળકો તેનું ભાવિ તૈયાર કરતાં હોય છે અને દેશનાં ભવિષ્‍ય માટે પ્રાથમિક શિક્ષણ અત્‍યંત જરૂરી છે અને દરેક વ્‍યકિતને યોગ્‍ય શિક્ષણ આપવું તે સરકારની નૈતિક ફરજ પણ છે. છતાં પણ પ્રાથમિક શિક્ષણને લઈને અધિકારીઓ           અને પદાધિકારીઓ ચિંતીત નથી તે હકીકત છે.

દરમિયાનમાં અમરેલીનાં ખડ ખંભાળીયા ગામનાં સરપંચ ભાભલુભાઈ વાળાએ જિલ્‍લા વિકાસ અધિકારીને પત્ર પાઠવીને ગામની શાળાનાં ર શિક્ષિકાઓ સતત ગેરહાજર રહેતાં હોય બન્‍નેની તાત્‍કાલીક બદલી કરવાની માંગ કરી છે અને બદલી નહી થાય તો શાળાને તાળાબંધી કરવાની પણ ચીમકી અંતમાં આપેલ છે.