Main Menu

મૂકબધિર શાળાનાં વિદ્યાર્થીઓએ ફિલ્‍મ નિહાળી

ડો. કલામ ઈનોવેટીવ વર્કસ દ્વારા મૂકબધિર શાળાના 80 વિદ્યાર્થીઓને દેશભકિતને ઉજાગર કરતું  ફિલ્‍મ બતાવવામાં આવ્‍યું હતું. મૂકબધિર બાળકો અને તેમના શિક્ષકો અને ડો. કલામ ઈનોવેટીવ વર્કસના સભ્‍યોએ તિરંગો લહેરાવતા અને ભારતમાતાના નારાઓ સાથે સિનેમા હોલમાં પ્રવેશ કર્યો હતો. તિરંગા સાથે એંજલ સિનેમા હોલમાં મૂકબધિર શાળાના બાળકો દેશભકિતના રંગે રંગાઈ ઝૂમી ઉઠયા હતા. બાળકોમાં અને ઉપસ્‍થિત તમામ સભ્‍યોમાં સામાજિક જાગૃતિ અને રાષ્‍ટ્રહિત માટેનો અગમ્‍ય જોશ જોવા મળ્‍યો હતો. આ તકે મૂકબધિર વિદ્યાર્થીઓને પ્રોત્‍સાહિત કરવા માટે ડો. રેખાબેન મહેતા, ધર્મિષ્ઠાબેન મહેતા, ભાવનાબેન મહેતા અને ભારતીબેન ગોહિલ ખાસ ઉપસ્‍થિત રહયા હતા. બાળકોના ચહેરા પર અનોખી પ્રસન્‍નતા જોવા મળી હતી. ફિલ્‍મના અંતે હાજર સૌ કોઈ તિરંગાને લહેરાવતા ઝૂમી ઉઠયા હતા અને ભારત માતાના જયઘોષ સાથે થિયેટરમાંથી વિદાય લીધી હતી. આ વિશિષ્‍ટ પ્રકારના કાર્યક્રમનું આયોજન અને તેની સફળતા માટે ડો. કલામઈનોવેટીવ વર્કસના ફાઉન્‍ડર કેવલભાઈ મહેતા અને સાથી મિત્રોએ ખૂબ જહેમત ઉઠાવી હતી.