Main Menu

અમરેલી જિલ્‍લામાં 108ની વધુ 9 એમ્‍બ્‍યુલન્‍સ ફાળવાઈ

ગુજરાત રાજયભરમાં પોતાની સેવાથી પોતાની એક આગવી ઓળખ ઉભી કરનાર 108 એમ્‍બ્‍યુલન્‍સ સેવાનું લોકાર્પણ મુખ્‍યમંત્રી વિજયભાઈ રૂપાણી, નાયબ મુખ્‍યમંત્રી નિતીનભાઈ પટેલ અને કિશોરકુમાર કાનાણી, આરોગ્‍ય અને પરિવાર કલ્‍યાણ, તબીબી શિક્ષણ મંત્રીના હસ્‍તે તા.7/1ના રોજ ગાંધીનગર ખાતે રીબીન કાપી કરવામાં આવ્‍યું હતું. આજે સવારે 10:30 કલાકે અમરેલી જિલ્‍લા કલેકટરઆયુષ ઓક (આઈ.એ.એસ.) અને જિલ્‍લા વિકાસ અધિકારી સી.એમ. પાડલીયાએ 108ની વિઝીટ કરી. કલેકટરે 108 એમ્‍બ્‍યુલન્‍સોને લીલી ઝંડી આપી હતી કે 108 લોકેશન પર ફાળવવામાં આવેલ જે પૈકી સાવરકુંડલા, વંડા, ખાંભા, ધારી, બગસરા, લાઠી, અમરેલી સીટી-1, લીલીયા અને બાબરા ખાતે જવા માટે રવાના કરી હતી. આ અત્‍યાધુનિક મેડિકલ સાધનો, સુવિધાથી સજજ અત્રે ઉલ્‍લેખનીય છે કે અગાઉ નવી 10 એમ્‍બ્‍યુલન્‍સ ફાળવાયેલી અને આજે 9 (નવ) મળી કુલ 18 નવી એમ્‍બ્‍યુલન્‍સ અમરેલી જિલ્‍લામાં કાર્યરત છે. આ પ્રસંગે 108 ઈ.એમ.ઈ. સંજય ઢોલા અને યોગેશ જાની તેમજ 108નો સ્‍ટાફ જિલ્‍લા સેવા સદન પર હાજર રહયા હતા.