Main Menu

વંડાનાં તત્‍કાલીન પીએસઆઈનો હત્‍યા કેસમાં નિર્દોષ છુટકારો

જાણીતા એડવોકેટ ઉદયન ત્રિવેદી અને એડવોકેટ કે.વી.ગઢવીની દલીલો સફળ રહી

વંડાનાં તત્‍કાલીન પીએસઆઈનો હત્‍યા કેસમાં નિર્દોષ છુટકારો

આજથી પોણા ચાર વર્ષ પહેલાં વંડા પોલીસ સ્‍ટેશનની કસ્‍ટડીમાં આરોપીનું મોત થયું હતું

સમગ્ર ઘટનાની તપાસ સીઆઈડી ક્રાઈમ દ્વારા કરવામાં આવી હતી

અમરેલી, તા. પ

દેવાભાઈ ઉર્ફે પાતળીયો કરશનભાઈ ધોળકીયા કે જે વંડા પોલીસ સ્‍ટેશનમાં કસ્‍ટડી દરમ્‍યાન તા. ર4/4/1પનાં રોજ પોલીસ કસ્‍ટડીમાં મરણ ગયેલ. જે તે સમયે વંડા પોલીસ સ્‍ટેશનના પીએસઆઈ તરીકે એસ.બી. આચાર્ય ફરજ બજાવતા હતા અને તેની કસ્‍ટડીમાં ઉપરોકત દેવાભાઈ ઉર્ફે પાતળીયો કરશનભાઈ ધોળકીયાનું માર મારવાથી મારની ઈજાને કારણે અવસાન થયેલ તે અંગેની ફરિયાદ તેમના સાળા ઓધાભાઈ બીજલભાઈ પરમારે બનાવના દિવસે પોલીસ સ્‍ટેશનમાં આપેલી. ત્‍યારબાદ તેઓએ તથા તેમના કુટુંબીઓએ ગુજરનારદેવાભાઈની લાશ સ્‍વીકારેલ નહી અને ઉચ્‍ચ તપાસની માંગણી કરેલી. ત્‍યારબાદ આ કામની તપાસ સીઆઈડી ક્રાઈમને સોંપવામાં આવેલી અને સીઆઈડી ક્રાઈમે જે તે સમયના વંડા પોલીસ સ્‍ટેશનના પીએસઆઈ સાગરકુમાર બાબુલાલ આચાર્ય સામે ફરિયાદ નોંધી અને આઈપીસી કલમ 30રની વિગતે ચાર્જશીટ કરેલું. જે અંગેનો કેસ કોર્ટમાં ચાલી જતા બચાવ પક્ષની દલીલો તથા પુરાવો ઘ્‍યાને લઈ આ કામના આરોપી પીએસઆઈ એસ.બી. આચાર્યને નિર્દોષ છોડવાનો હુકમ એડીશ્‍નલ સેશન્‍સ જજ એન.પી. ચૌધરીએ કરેલ છે.

આ કામે બચાવ પક્ષે જાણીતા એડવોકેટ ઉદયન બી. ત્રિવેદી તથા એડવોકેટ ગઢવીભાઈ રોકાયેલા હતા. તેમની દલીલોને ઘ્‍યાને રાખીને કોર્ટે નિર્દોષ છોડવાનો હુકમ કરેલ છે.