Main Menu

અમદાવાદમાં ાહયનાં કોન્‍ટ્રાકટરની હત્‍યા કેસનાં વધુ એક આરોપી રફીક સુમરા જામીન ઉપર મુકત

અમરેલી, તા.ર9

રાજકોટનાં કુખ્‍યાત ટ્રાન્‍સપોર્ટર અને બિલ્‍ડર રાજુ શેખવાનાં હરીફ વેપારી એવા એફ.સી.આઈ.ના કોન્‍ટ્રાકટર સુરેશ શાહની ધોળા દિભએ ઠંડે કલેજે હત્‍યા કરાવી અમદાવાદમાં હાહાકાર મચાવનાર શાર્પ શૂટરોને એક બાદ એકને કાયમી જામીન મળી રહયા છે.

સૌ પ્રથમ આલમખાન અને હવે વધુ એક ખૂંખાર આરોપી રફીક સુમરાને પણ હાઈકોર્ટ દ્વારા જામીન પર મુકત કરવામાં આવ્‍યા છે.

ગત્‌ તા.10 માર્ચ, ર018ના રોજ અમદાવાદના વાસણા વિસ્‍તારમાં સુરેશ શાહની સરાજાહેર હત્‍યા કરવામાં આવી હતી. જેના આરોપી તરીકે શાર્પશૂટર આલમખાન અને રફીક સુમરાની ક્રાઈમ બ્રાન્‍ચે અટકાયત કરી હતી. રફીક સુમરાની અટકાયત બાદ પૂછપરછમાં કુખ્‍યાત ડોન રાજેન્‍દ્ર શેખવાનું નામ ખૂલ્‍યું હતું. આ કેસમાં આલમખાન અને રફીક સુમરાએ ડોનરાજુ શેખવા પાસેથી રૂપિયા પ0 લાખની સોપારી લીધી હતી.

અત્રે એ ઉલ્‍લેખનીય છે કે રફીક સુમરા રીઢો ગુન્‍હેગાર છે. તેમણે અમદાવાદ સહિત રાજયમાં અનેક ગુન્‍હાઓ કરેલ છે.

આ કેસમાં સંડોવાયેલ આરોપીઓ એક પછી એક કાયમી જામીન પર મુકત થઈ રહયા હોય હવે જોવાનું એ છે કે રાજુ શેખવાની ગેન્‍ગ કોનો શિકાર કરે છે.



(Next News) »