Main Menu

જાફરાબાદમાં દારૂનાં દુષણે હદ વટાવી દીધી

નશાબંધી બોર્ડનાં ડાયરેકટર જીવનભાઈ બારૈયા પણ ત્રાહીમામ

જાફરાબાદમાં દારૂનાં દુષણે હદ વટાવી દીધી

દિવ ઉપરાંત દમણથી મોટી માત્રામાં વિદેશીદારૂ ઠલવાતો હોવાનો ખુલાશો કર્યો

ભાજપ અગ્રણીએ દારૂનાં દુષણ વિરૂઘ્‍ધ આત્‍મવિલોપનની ચીમકી આપતાં ખળભળાટ મચી ગયો

અમરેલી, તા. ર9

અમરેલીનાં નિષ્ઠાવાન પોલીસ અધિક્ષક નિર્લિપ્‍ત રાયનાં માર્ગદર્શન તળે સમગ્ર પોલીસ પરિવાર ઘ્‍વારા દારૂનાં દુષણને ડામવા દિવસ-રાત એક કરવામાં આવી રહૃાા છે. પરિણામ સ્‍વરૂપે જિલ્‍લાનાં અનેક બુટલેગરો જેલનાં સળીયા પાછળ ધકેલાઈ ગયા છે. તેવા જ સમયે જાફરાબાદ શહેરમાં વિદેશી દારૂનાં દુષણે હદ વાટવી દીધાનો ચોંકાવનારો આક્ષેપ ભાજપનાં આગેવાન અને નશાબંધી બોર્ડનાં ડાયરેકટર જીવનભાઈ બારૈયાએ કરતાં   ખળભળાટ મચી ગયો છે.

તેઓએ “અમરેલી એકસપ્રેસ” કાર્યાલય પર રૂબરૂ દોડી આવીને જણાવ્‍યું કે વઢેરા ગામથીજાફરાબાદનાં લાઈટ હાઉસ વિસ્‍તારમાં મહિનામાં બેથી ત્રણ વખત દિવથી બોટમાં મોટા પ્રમાણમાં વિદેશી દારૂનો જથ્‍થો ઉતારવામાં આવે છે.

વધુમાં જણાવેલ હતું કે, લાઈટ હાઉસ નજીક આવેલ તેમનાં ખેતરમાં જ દારૂનો જથ્‍થો ઉતારવામાં આવી રહૃાાંનો ચોંકાવનારો ખુલાશો કર્યો હતો અને જણાવ્‍યું હતું કે, દમણ તરફથી પણ બોટમાં વિદેશી દારૂ જાફરાબાદમાં ઉતારવામાં આવી રહૃાો છે.

વધુમાં જણાવ્‍યું હતું કે, તેઓ દારૂના દુષણને ડામવા માટે મુખ્‍યમંત્રી વિજય રૂપાણીની પણ રૂબરૂ મુલાકાત લેવાના છે અને છતાં પણ દારૂનું દુષણ બંધ નહી થાય તો અંતે આત્‍મવિલોપન કરવાની ચીમકી આપી હોય સમગ્ર જિલ્‍લામાં ભારે ચકચાર મચી ગઈ છે.