Main Menu

અમરેલી જિલ્‍લાની તમામ શાળાઓમાં ઠંડીનાં કારણે સવારનો સમય મોડો કરો

એનએસયુઆઈ અને યુવક કોંગ્રેસે કરી માંગ

અમરેલી જિલ્‍લાની તમામ શાળાઓમાં ઠંડીનાં કારણે સવારનો સમય મોડો કરો

જિલ્‍લા પ્રાથમિક શિક્ષણાધિકારીને આવેદનપત્ર પાઠવ્‍યું

અમરેલી, તા. ર7

અમરેલી જિલ્‍લા એનએસયુઆઈ અને યુવક કોંગ્રેસનાં મહામંત્રી અનવરભાઈ આહીર, મંત્રી હરપાલસિંહ બારડ વિગેરે યુવાઓએ પ્રાથમિક શિક્ષણાધિકારીને આવેદનપત્ર પાઠવેલ છે.

આવેદનપત્રમાં જણાવેલ છે કે, હાલમાં શિયાળાનો સમય હોય તમામ સ્‍કૂલમાં શિયાળાની કાતીલ ઠંડીમાં સ્‍કૂલના અભ્‍યાસનો સમય વહેલી સવારે 7:00 વાગ્‍યાનો હોય જે બાળકોને ખુબ જ કષ્‍ટદાયક છે.        બાળકોને સ્‍કૂલે જવા માટે સવારે 6:00 વાગ્‍યે ઉઠવુંપડે છે. આ ઉપરાંત  શિયાળાનાં સમયગાળા દરમ્‍યાન સૂર્યોદય પણ મોડો થતો હોય છે. જેના કારણે બાળકોને વહેલા ઉઠવું તે એક સમસ્‍યારૂપ હોય છે. વહેલા ઉઠાડતા મુડલેસ બની જાય છે અને અભ્‍યાસમાં ઘ્‍યાન આપી શકતા નથી. યુરોપીય દેશો તથા ઉતર દક્ષિણ ગોળાર્ધનાં દેશોમાં પણ ઘડીયાળનો કાંટો વર્ષમાં છ મહીને બદલવામાં આવે છે જેનું કારણ પણ શિયાળો છે.

અત્‍યારે ગુજરાત સરકારે ભાર વગરનાં ભણતર એવા સુત્ર સાથે શિક્ષણ જગતમાં સુધારાઓ દાખલ કર્યા છે. ત્‍યારે વહેલી સવારે મોટા મોટા ભારે સ્‍વેટર અને વજનદાર સ્‍કૂલ બેગ પીઠ પાછળ લટકાડીને જાય છે. ત્‍યારે આ વજનમાં ઠંડીથી બચવા માટે કાનપટ્ટી પણ જાળવી શકતા નથી. અમરેલીની ખ્‍યાતનામ સ્‍કૂલો ઉપરાંતની તમામ સરકારી સ્‍કૂલોમાં અભ્‍યાસનો સમય સવારે 7:00 વાગ્‍યાનો છે. જેનો ભાર નાના ભૂલકાઓ ઉપરાંત તેમના માતા પિતા ઉપર પણ આવી પડયો છે.

શિયાળાના સમયમાં વહેલી સવારે અંધારુ હોય ખૂબ જ ઠંડો પવન હોય નાના બાળકોએ પોતાના ઘરથી સ્‍કૂલે જવા માટે બસ સીવાયની ખુલ્‍લી છકડો રીક્ષામાં પણ અભ્‍યાસ કરવા જવું પડે છે. તો આવા સંજોગોમાં બાળકોનાં આરોગ્‍ય માટે નુકશાનકારક હોય છે.

આ ઉપરાંત કે.જી. વિભાગમાં અભ્‍યાસ કરતા બાળકોની ઉંમર ખુબ જ નાની હોય તેઓનું શારીરીક બંધારણ પણ મોસમમાં થતાફેરફારને સહન કરી શકે એવુ હોતુ નથી. ઘણી વખત તેઓને આના કારણે શરદી, તાવ, વાયરલ ઈન્‍ફેકશન,ન્‍યુમોનીયા જેવા ગંભીર રોગોની બીમારી લાગુ પણ પડી જાય છે. જેના કારણે બાળકોનાં અભ્‍યાસ પણ બગડે છે.

ઉપરોકત બાબતોની અસંખ્‍ય વાલીઓ ર્ેારા રજૂઆતો આવેલી હોય તો આવા વાલીઓની લાગણીઓને માન આપીને અમરેલી જિલ્‍લાની તમામ ખાનગી અને સરકારી સ્‍કૂલોનો સમય વહેલી સવારનો છે. તેમનો સમય મોડો કરવા અંતમાં એનએસયુઆઈ અને યુવક કોંગ્રેસ ર્ેારા માંગ કરવામાં આવી છે.