Main Menu

જીએચસીએલ કંપનીની લીઝ રીન્‍યુ કરાતાં રોષનો માહોલ

રાજુલા પંથકની જનતાની વ્‍યાજબી માંગની અવગણના કરીને

જીએચસીએલ કંપનીની લીઝ રીન્‍યુ કરાતાં રોષનો માહોલ

મીઠાનાં અગરોને લીધે હજારો એકર ખેતીની જમીન ફળદ્રુપતા ગુમાવી રહી છે

મહિનાઓ સુધી અનેક ગામજનોએ કંપની સામે આંદોલન કર્યુ તો પરિણામ શુન્‍ય

રાજુલા, તા. પ

રાજુલા તાલુકામાં આવેલ જીએચસીએલ કંપનીએ જાણે કે આખો તાલુકો ખરીદી લીધો હોય તે રીતે ભેરાઈ, પીપાવાવ, કથીવદર, ખેરા, ચાંચબંદર વિસ્‍તારોમાં હજારો એકર જમીનમાં ખારા પાણીનાં તળાવો ભરી રાખીને મીઠાનું ઉત્‍પાદન હજારો ટનમાં કરે છે. અને કરોડો રૂપિયાની કમાણી રાજુલા તાલુકામાંથી કરી રહેલ હોવાનું જાણવા મળેલ છે. આ જીએચસીએલ કંપની ઘ્‍વારા જે ખારા પાણીના તળાવો ભરી રાખવામાં આવે છે તેના કારણે આજુબાજુના તમામ ગામોના તળનાં પાણી ખારા થઈ ગયા છે અને આ ખારાપાણી થઈ જવાને કારણે      ખેડૂતોને ખેતી ઉપર ખૂબ વિપરીત અસર થવાને કારણે લાખો રૂપિયાનું નુકશાન થયેલ છે.

જયારે બીજી બાજુ હજારો એકર જમીનમાં જીએચસીએલ ઘ્‍વારા મીઠાનું ઉત્‍પાદન કરવામાં આવે છે. ત્‍યારે આજથી થોડા વર્ષો પહેલાં ખૂબ જ પ્રમાણમાં રોજગારી મળતી હતી પરંતુ છેલ્‍લા વર્ષોમાં જીએચસીએલ કંપની ઘ્‍વારા આધુનિકતાના સોહામણા નામ તળે ઓછામાં ઓછા 10 હજાર લોકોનીરોજગારી છીનવી લઈને મોટા માથાઓ સાથે કોન્‍ટ્રાકટોની સાંઠગાંઠ કરીને તેમજ સરકારી બાબુઓ મલાઈ આપીને પોતાની મનમાની કરીને જેસીબી અને ટ્રેકટરો અને મોટા મહાકાય મશીનો ઘ્‍વારા મીઠાનું ઉત્‍પાદન કરવામાં આવતા આ વિસ્‍તારના અગરોમાં કામ કરતા અગરીયાઓને રોજગારી મેળવવા માટે છેક ભરૂચ, દહેજ તેમજ કચ્‍છના વિસ્‍તારોમાં જવું પડે છે. જે અંગેની રજુઆતો મામલતદાર કચેરીમાં, નાયબ કલેકટરમાં અને સરકારમાં અનેકવાર કરવામાં આવેલ અને જે તે સમયે આ જીએચસીએલ કંપનીને શરતભંગની નોટીસ પણ આપેલ હતી. પરંતુ નોટીસો આપ્‍યા બાદ બધું જ ભીનું સંકેલાઈ ગયું.

જો અવાર-નવારની રજુઆતોના કારણે જીએચસીએલ કંપની લીઝ ર013માં પુરી થઈ ગયેલ હતી જેને જે તે સરકારના અધિકારીઓ ઘ્‍વારા ર018 સુધી અટકાવી દેવામાં આવેલ. પરંતુ ર018માં જીએચસીએલ કંપની સામે ગેરરીતિ અને દબાણોની ફરિયાદ સાથે આંદોલન થતાં ગુજરાત સરકારના સરકારી બાબુઓ ઘ્‍વારા લીઝ કેન્‍સલ કરવાને બદલે 30 વર્ષના ભાડાપટ્ટે લીઝ રીન્‍યુ કરી દેવાતા આ સરકાર ખરેખર ઉદ્યોગપતિઓની છે તે સાબિત કરી દેવામાં આવ્‍યું. એક તરફ નાના ખેડૂતો કે નાના માણસો થોડીઅમથી ભુલ કરે તો સરકારના અધિકારીઓ ઘ્‍વારા કાયદાનો ડંડો ઉગામીને લોકોને હેરાન પરેશાન કરવામાં આવે છે. ત્‍યારેર013થી રીન્‍યુ નહી થયેલ આ જીએચસીએલ કંપનીની જમીન એવું તે શું થયું કે તાત્‍કાલીક 30 વર્ષના પટ્ટે સરકારે રીન્‍યુ કરી દીધી કે પછી આમાં કોઈ સાચુ-ખોટું થયું છે ? તેવા વેધક સવાલો લોકોમાંથી ઉઠી રહેલ છે. અને આમાં મોટું કૌભાંડ હોવાનું અને આ સમગ્ર લીઝ રીન્‍યુ પ્રકરણ તપાસ કરવામાં આવે તેવી માંગ પણ લોકોમાંથી ઉઠેલ છે. અને આ અંગેની ફરિયાદ તકેદારી આયોગમાં કરવામાં આવનાર હોવાનું જાણવા મેળલ છે.



(Next News) »