Main Menu

અમરેલીનાં લાઠી માર્ગ પર ઉદ્યોગોને માર્ગ, ગટર, સફાઈ અને પાણી જેવી પ્રાથમિક સુવિધા આપો

અનેક ઉદ્યોગપતિઓએ કલેકટરને રજુઆત કરી

અમરેલીનાં લાઠી માર્ગ પર ઉદ્યોગોને માર્ગ, ગટર, સફાઈ અને પાણી જેવી પ્રાથમિક સુવિધા આપો

પાલિકા દ્વારા કોઈપણ પ્રકારની સુવિધા આપવામાં આવતી નથી ને કરવેરાની નોટીસ પાઠવી

ઉદ્યોગપતિઓએ સુવિધા મળે તો કરવેરા ભરવાની ખાત્રી પણ આપી

અમરેલી, તા. પ

અમરેલીનાં લાઠી માર્ગ પર આવેલ ઔદ્યોગિક વિસ્‍તારને પાયાની સુવિધાઓ મળતી ન હોય આ વિસ્‍તારનો સમાવેશ પાલિકા હદમાં કરવામાં આવ્‍યો હોય પાલિકાએ કરવેરાની નોટીસ પાઠવતાં આશ્ચર્ય ફેલાયું છે.

આ અંગે આ વિસ્‍તારનાં નાના-મોટા ઉદ્યોગપતિએ કલેકટરને આવેદનપત્ર પાઠવેલ છે. જેમાં જણાવેલ છે કે, અમરેલીનગરપાલિકા ઘ્‍વારા હદ વધારવામાં આવેલ છે જે આવકારદાયક છે. તાજેતરમાં લાઠી રોડની તમામ ઈન્‍ડસ્‍ટ્રીજને વેરા આપવામાં આવેલ છે અમો વેરા ભરવા પણ સમંત છીએ.

અમારી માંગણી છે કે, અમારી ઈન્‍ડસ્‍ટીજ ફેકટરીના વિસ્‍તાર મોટા હોય ઘણા મજુરો હોય અમને પ્રાથમિક સુવિધા આપવામાં આવેલ નથી. પાણીની સમસ્‍યા ખૂબ જ મોટી છે. તેમજ અમરેલી શહેર ફરતે સ્‍ટ્રીટ લાઈટ ફિટ કરવામાં આવેલ છે ફકત લાઠી રોડ ઉપર બાયપાસથી આગળ નથી. અમારી નમ્ર અરજ છે કે અમોને પ્રાથમિક સુવિધા જેવી કે રોડ, રસ્‍તા, ગટર, સ્‍ટ્રીટ લાઈટ અને પાણીની સુવિધા આપ્‍યા બાદ વેરા વસુલાત કરવામાં આવે તેમ અંતમાં          જણાવેલ છે.