Main Menu

તોરીમાં બોલાવવામાં આવેલ ગ્રામસભાને લઈને વિવાદ શરૂ

વડીયા, તા.પ

તોરી ગામે આજે રોજ સરકાર તરફથી સરકારી નિયમ મુજબ સરકારના પરિપત્ર મુજબ ગ્રામસભા બોલાવવાની હતી અને થયેલ વિકાસ કામો અને જરૂરી વિકાસ કામો અને ગામનો વિકાસ અને સુવિદ્યા બાબત ચર્ચા વિચારણા માટેની હોય પરંતુ હાલના સરપંચ પતિએ નિયમોનો ઉલાળીયો કરીને ગ્રામપંચયતના ઉપસરપંચ તથા અન્‍ય ચાર સભ્‍યોને એજન્‍ડા કે કોઈપણ પ્રકારની જાણ ન કરી પોતાનું મનમાન્‍યું કરેલ અને ગામના લોકોને પણ જાણકર્યા વગર ગામ સભા બોલાવેલ જેની જાણ ઉપસરપંચે અને અન્‍ય ગ્રામપંચાયતા સભ્‍યો એ.ટી.ડી.ને ટેલીફોનીક જાણ કરતા ટી.ડી.ઓ.ના હુકમનો અનાદર કરી પ્રાથમિક શાળામાં સભા બોલાવેલ અને સરપંચને હાજર ન રાખી સરપંચ પતિએ અઘ્‍યક્ષસ્‍થાને લઈને ગામના નાગરિકો હાજર ન રહેતા (માત્ર પાંચ જ વ્‍યકિત)ની હાજરી હોવાથી ખુદ સરપંચપતિએ અધિકારીઓને જાણકારી કે ફરિથી તારીખ આપો અને પણ મારા ઘરની બાજુમાં સ્‍થળ આપો જેથી અમારી સગવડતાને અનુરૂપ થાય અને અધિકારીઓ પણ માની ગયા અને નવું સ્‍થળ પણ આપી દીધુ.

ખરેખર દરેક ગામમાં સરપંચપતિઓના જ રાજ અને હુકમો ચાલે છે. અને અધિકારીઓ પણ સરપંચ પતિઓના તાબે થઈ જાય છે. તો આમા કંઈક રૂધાતું દેખાઈ આવે છે. અને ગામ લોકોમાં પણ ગણ ગણાટ સંભળાતો હોય કે તોરીના સરપંચને ગામ લોકોએ જોયા જ નથી તો ગ્રામસભામાં સરપંચના મુખદર્શન થશે પરંતુ સરપંચના બદલે રાબેતા મુજબ સરપંચપતિના જ દર્શન થતા હાજર રહેલ નાગરીકો પોત પોતાના ઘરે જતા રહેલ.

હવે નવા સ્‍થળે પોતાનાા ઘર પાસે જ સભા બોલાવેલ અને સરપંચ તેમના જ ઘર આંગણે હોય અને સરપંચના પ્રશ્‍નોનો વિરોધ ન કરી શકે અને પોતાના મળતીયાઓ જ આવે અને એક તરફી નિર્ણય લઈ શકે તેવા હેતુથી સ્‍થળ ફરે કરી પોતાની અંગત મનસા પુરી થાય એવું પંચાયતના સદસ્‍યો કહી રહયા છે.

જયારે આ અંગે તાલુકા ટી.ડી.ઓ.નોસંપર્ક કરતા તેમણે જણાવ્‍યું હતું કે તોરી ગામના ઉપસરપંચ હંસાબેન હીરપરા અને સભ્‍યો બાબુભાઈ કોટડીયા સહિતના ચાર સભ્‍યોનો મને ટેલીફોન આવ્‍યો હતો. કે અમારા ગામમાં ગામ સભા છે. પરંતુ અમોને આમંત્રણ કે એજન્‍ડા બજાવવામાં આવેલ નથી. તો ટી.ડી.ઓ.એ કહેલ કે તમે લોકો સ્‍થળ પર આવી જાવ બાદમાં તમામ સભ્‍યો નહી આવતા આ ગામ સભા બંધ રાખેલ અને આગામી 7 તારીખે ફરી રાખેલ છે. તેમજ આ અંગે તોરી ગામના તલાટી મંત્રી મીલન પટેલનો સંપર્ક કરતા તેમણે જણાવ્‍યું હતું કે તોરી ગામ પંચાયતના નોટીસ બોર્ડ પર આમંત્રણ મુકવા આવેલ હતું. સભ્‍યો કે ઉપસરપંચને રૂબરૂ આમંત્રણ આપેલનો હેતું વધુમાં પુછતાં મંત્રીએ જણાવેલ કે મહિલા સરપંચ છે. પણ તે હાજર ન હતા.