Main Menu

સા.કુંડલાનાં ઈન્‍ચાર્જ પીઆઈનાં સમર્થનમાં રેલી નીકળી

દલિત યુવા સંગઠન દ્વારા મામલતદારને આવેદનપત્ર પાઠવવામાં આવ્‍યું

સા.કુંડલાનાં ઈન્‍ચાર્જ પીઆઈનાં સમર્થનમાં રેલી નીકળી

શહેરમાં કાયદો અને વ્‍યવસ્‍થા મજબુત કરનાર ઈન્‍ચાર્જ પીઆઈને ખોટી રીતે પરેશાન કરાતાં હોવાનું જણાવાયું

અમરેલી, તા. પ

સાવરકુંડલાનાં ઈન્‍ચાર્જ પીઆઈ ચાવડા હાલ એસીબીનાં દરોડને લઈને રજા પર ઉતરી ગયા છે. ગઈકાલે પીઆઈની વિરૂઘ્‍ધ રેલી અને આવેદનપત્ર જુદા-જુદા સંગઠનો ઘ્‍વારા મામલતદારનેઅપાયા બાદ આજે દલિત યુવા સંગઠન ઘ્‍વારા પીઆઈની તરફેણમાં રેલી અને આવેદનપત્ર પાઠવવામાં આવ્‍યું હતું.

આવેદનપત્રમાં જણાવેલ છે કે, છેલ્‍લા ઘણા સમયથી અસામાજીક પ્રવૃતિઓ સાથે જોડાયેલા ઈસમો ભુગર્ભમાં ઉતરી ગયેલ હોય અને કાયદો વ્‍યવસ્‍થા સારી રીતે જળવાતી હોય આ બધી બાબતનું કારણ પીઆઈ પી.બી. ચાવડાની સારી કામગીરીની મહેનત સબબ હતું. પરંતુ અમુક વિચારો ધરાવતા અને પોતાની જાતને સારી ગણનારા લોકો ને પીઆઈ ચાવડાને દલિત હોવાના નાતે સ્‍વીકાર શકતા ન હતા તેમજ તેમને આ વાત બહુ ખુંચતી હોય તેમ સારી કામગીરી કરેલ હોવા છતાંય ખોટી ફરિયાદો, ખોટા આક્ષેપો કરી માત્ર દલિત હોવાના લીધે વિરોધ કરી ખોટી ફરિયાદોમાં સંડોવી તેમની છબીને નુકશાન થાય તેવી પ્રવૃત્તિઓ મનુવાદી વિચારો ધરાવતા લોકો ઘ્‍વારા કરવામાં આવેલ હોય. જેથી અમો સાવરકુંડલાનાં સમગ્ર દલિત સમાજ પીઆઈ પી.બી. ચાવડાનું સમર્થન કરીએ છીએ અને અમોની માંગણી છે કે, પીઆઈ ચાવડાને યોગ્‍ય ન્‍યાય મળે અને તેઓની ફરીવાર પોસ્‍ટીંગ સાવરકુંડલા મુકામે કરવામાં આવે.

પીઆઈ ચાવડાનો વિરોધ માત્ર દલિત હોવાને કારણે કરવામાં આવેલ છે અને જે હાલ પણ ચાલું છે. સારી કામગીરી કરવા બદલ અને ન્‍યાયીક રીતે કામ કરવાનાં લીધે તેમને રાજકીય રીતે ખોટી ફરિયાદોમાંફીટ કરી તેમની છબીને નુકશાન કરવાનું કામ આ સભ્‍ય સમાજના લોકો ઘ્‍વારા કરવામાં આવેલ છે.

અમો આ ઘટનાને સખત શબ્‍દોમાં વખોડીએ છીએ. આ બાબતે યોગ્‍ય તપાસ થવી જોઈએ અને પીઆઈ ચાવડાને ન્‍યાય મળવો જોઈએ. અને પોસ્‍ટીંગ ફરી સાવરકુંડલા મુકામે થાય તેવી માંગણી અંતમાં કરેલ છે.