Main Menu

કુંકાવાવનાં સરકારી દવાખાનામાં વોટરકુલીંગ અને હાઈડ્રોલીક બેડ અર્પણ

કુંકાવાવ, તા.પ

કુંકાવાવના વતની અને અમદાવાદ ખાતે રહેતા ઉદ્યોગપતિ વાલજીભાઈ આસોદરીયા દ્વારા કુંકાવાવની સરકારી હોસ્‍પિટલમાં વોટરકુલર તેમજ હાઈડ્રોલીક પલંગ દાનમાં આપવામાં આવ્‍યા છે. ત્‍યારે જયારે વતનમાં આવે ત્‍યારે ગામમાં શું જરૂર છે તેની તપાસ કરીને જરૂરી યોગદાન આપવામાં સૌની આગળ અને શિક્ષણ, આરોગ્‍ય તેમજ જરૂરતમંદો માટે કાયમ ઉપયોગી એવા દાતાને ગામના આગેવાનો સહકાર આપીને માનવતાનું કાર્ય કરવા બદલ અભિનંદન આપે છે. ત્‍યારે કુંકાવાવની સરકારી હોસ્‍પિટલમાં અનેકવાર ડોકટરને મળીને જરૂરિયાત જાણીને નવા સાધનો પણ ભેટ આપે છે. અને સાથે સાથે ગામના જરૂરત મંદ દર્દીને વ્‍હીલચેર, પલંગ ઘોડી, પાણીના ગાદલા સહિતની વસ્‍તુ દર્દીને વિનામૂલ્‍યે વાપરવા ડીપોઝીટ લઈને આપવામાં આવે છે. ત્‍યારે આવા માનવ ઉપયોગી ભગીરથ કાર્યને ગામના સરપંચ સુભાષભાઈ ભગત તેમજ વીરજીભાઈ સાવલીયાએ આવકારીને સહકાર આપી રહયાછે. ત્‍યારે સરકારી દવાખાના ખાતે આવા દર્દીને ઉપયોગી પલંગ તેમજ વોટર કુલર ભેટ આપવા બદલ ડો. નિલમબેન પટેલ તેમજ મહેશભાઈ બોરડે આવકારી અભિનંદન આપેલ.