Main Menu

ફફડાટ : બગસરાનાં સુડાવડ ગામેથી અઢી વર્ષનાં બાળકને દીપડો ઉઠાવી ગયો

જિલ્‍લામાંરાની પશુઓ હવે આફત બની રહૃાા છે

ફફડાટ : બગસરાનાં સુડાવડ ગામેથી અઢી વર્ષનાં બાળકને દીપડો ઉઠાવી ગયો

વનવિભાગ દ્વારા બાળકને શોધવાની કવાયત શરૂ

અમરેલી, તા. 4

અમરેલી જિલ્‍લામાં વન્‍ય પ્રાણીઓ અને તેમાં ખાસ કરીને દીપડાઓ વહેલી સવારે અથવા તો મોડી રાત્રીનાં ત્રાટકી પરિવાર સાથે સુતા બાળકોને ઉઠાવી જવાના બનાવો અનેકવાર બન્‍યા છે. ત્‍યારે બગસરા તાલુકાનાં સુડાવડ ગામે આજે વહેલી સવારે એક દીપડાએ માત્ર અઢી વર્ષનાં બાળકને ઉઠાવી ગયાની ઘટના બનવા પામી છે. આ અંગે વન વિભાગને જાણ કરવામાં આવી છે તેમ છતાં પણ હજુ સુધી આ બાળકનો કોઈ જ પતો લાગેલ ન હોય. વનતંત્ર આ આ વિસ્‍તારમાં ફરી રહૃાા છે અને બાળકની ભાળ મેળવવા કવાયત હાથ ધરી છે.

આ બનાવમાં જાણવા મળતી વિગત મુજબ બગસરા તાલુકાનાં સુડાવડ ગામની સીમમાં આવેલ એક વાડી વિસ્‍તારમાં રહેતા અને બચુભાઈ કોરાટની વાડીમાં મજુરી કામ કરતાં પ્રભુભાઈ નામનો શ્રમિક પરિવાર આજે વહેલી સવારે ઓરડીમાં સુતા હતા ત્‍યારે લગભગ સવારે પથી પ-30 કલાકનાં સમય દરમિયાન બીલ્‍લીપગે એક દીપડો આવી ચડયો હતો અને ત્‍યાં સુતેલા અઢી વર્ષના બાળક મેહુલને મોંમાં દબોચી નાશી ગયો હતો.

આ ઘટનાની જાણ બાળકની માતાને થતાં તેઓએ રાડારાડ કરી મુકતા તેમનો પરિવાર તથાઅન્‍ય આજુબાજુવાળા લોકો એકઠા થયા હતા અને દીપડાનો પીછો કર્યો હતો. પરંતુ આ દીપડા તથા અઢી વર્ષના બાળકનો કોઈ જ પતો મળ્‍યો ન હતો.

આજે સવારે 7 વાગ્‍યાના સુમારે ગામનાં આગેવાનોએ આ ઘટના અંગે વનવિભાગને જાણ કરતાં વનવિભાગનાં કર્મી-અધિકારીઓ ઘટના સ્‍થળે દોડી આવ્‍યા હતા અને આ દીપડા તથા બાળકની શોધખોળ આદરી હતી. પરંતુ આ લખાય છે ત્‍યાં સુધી બાળકની કોઈ જ ભાળ મળી નથી.