Main Menu

નવી ઉપાધી : બાબરામાં બેકાબુ બનેલ આખલાએ શહેરમાં ફફડાટ ફેલાવ્‍યો

ગાયો બાદ હવે આખલાઓથી ફફડાટ

નવી ઉપાધી : બાબરામાં બેકાબુ બનેલ આખલાએ શહેરમાં ફફડાટ ફેલાવ્‍યો

પાલિકા પ્રમુખે જુદી-જુદી ટીમો બનાવી આખલા પર કાબુ મેળવ્‍યો

બાબરા,તા.4

બાબરામાં આખલો હડકાયો થતા શહેરમાં ભારે દોડધામથી પાલીકા પ્રમુખ દ્વારા ત્રણ જેટલી ટીમો બનાવી આખલાને પકડવાની કવાયત હાથ ધરી બે કલાકની જહેમત બાદ આખલાને કાબુ કરાતા નગરજનોએ રાહત અનુભવી.

બાબરામાં મોડી સાંજે એક આખલો અચાનક હડકાયો થતા શહેરના વિસ્‍તારમાં ભારે નાસભાગ મચી હતી સ્‍થાનિક લોકો દ્વારા લાકડી અને પાઈપ લઈ પાગલ ખુંટિયાને પકડવાનો પ્રયાસ કર્યો હતો.

શહેરમાં આખલો હડકાયો થતા લોકોમાં ભયનું મોજુ ફરી વળ્‍યું હતું. સ્‍થાનિક લોકો દ્વારા નગરપાલિકાને જાણ કરવામાં આવતા પાલિકા પ્રમુખ વનરાજભાઈ વાળા દ્વારા તાબડતોબથી ટ્રેકટર અને જીસીબી સાથેની ત્રણ જેટલી ટીમો બનાવી હડકાયા આખલાને પકડવાની કવાયત હાથ ધરી હતી. જોકે બે કલાકની વધુ સમયની ભારે જહેમત બાદ આખલાને કાબુમાં કરવામાં આવતા નગરજનોમાં રાહતની લાગણી છવાય ગઈ હતી.

અત્રે ઉલ્‍લેખનીય છે કે બાબરા શહેરમાં આશરે રપ0 થી વધુ આખલો ધૂમી રહયા છે, પણ કાયદાકીય ગુંચવલના કારણે નગરપાલિકાને આખલાને શહેરથી દુર મુકવામાં ભારે મુશ્‍કેલી પડી            રહી છે.