Main Menu

અમરેલીમાં આજે અસામાજિકતત્‍વોને કાબુમાં લેવા પડશે

પોલીસ અધિક્ષક નિર્લિપ્‍ત રાય પોલીસ વિભાગને એલર્ટ કરે

અમરેલીમાં આજે અસામાજિકતત્‍વોને કાબુમાં લેવા પડશે

શહેરની યુવતીઓ અને મહિલાઓને પુરતા પ્રમાણમાં રક્ષણ આપવા માટે પોલીસ સતર્ક રહે

જાહેર માર્ગ પર સીનસપાટા કરતાં અને આતશબાજી કરનાર સામે લાલ આંખ કરવી પડશે

અમરેલી, તા. 6

અમરેલી શહેરમાં આવતીકાલ બુધવારે દીપોત્‍સવી પર્વને લઈને પોલીસ વિભાગે ખાસ કરીને રાત્રીનાં 9 થી 1ર સુધી શહેરનાં રાજમાર્ગો પર આતંક ફેલાવનાર શખ્‍સોને કાબુમાં લેવા પડશે. આ માટે પોલીસ અધિક્ષક નિર્લિપ્‍ત રાયે પોલીસ વિભાગને જરૂરી આદેશ કરવો પડશે.

અમરેલીનાં શહેરીજનો મોટી સંખ્‍યામાં દિવાળીની રાત્રીનાં 8 થી 1 વાગ્‍યા સુધી રોશનીનો ઝગમગાટ નિહાળવા નીકળતાં હોય છે. જેમાં મોટી સંખ્‍યામાં બાળકો, યુવતીઓ, મહિલાઓ પણ હોવાથી પુરતી સુરક્ષા રાખવી જરૂરી છે.

દરમિયાનમાં દર વર્ષે શહેરનાં અસામાજિક તત્‍વો જાહેર માર્ગ પર ધુમ સ્‍ટાઈલમાં બાઈક લઈને વાતાવરણમાં અશાંતિ ઉભી કરવાનો પ્રયાસ કરતાં હોય છે. તેમજ જાહેર માર્ગો પર આતશબાજી કરીને ભયનું વાતાવરણ ઉભું કરતાં હોય પોલીસ વિભાગ ઘ્‍વારા ચાંપતો બંદોબસ્‍ત ગોઠવવામાં આવે તેવી માંગ શહેરીજનો કરી રહૃાા છે.