Main Menu

કોંગ્રેસ પક્ષનાં આગેવાનોએ કાળી ચૌદશે કકળાટ કાઢવાનો કાર્યક્રમ કર્યો

અમરેલી, તા. 6

આજે સમગ્ર દેશમાં મોંઘવારી, ભ્રષ્‍ટાચાર,બેરોજગારી, કાળુ ધન, આતંકવાદ, નકસલવાદ જેવી સમસ્‍યા કકળાટરૂપ બની છે. દેશની જનતા આ સમસ્‍યારૂપી કકળાટથી કંટાળી ગઈ છે. અને સરકાર અવનવા તમાશા કરી રહી છે.

દરમિયાનમાં અમરેલીનાં ડો. જીવરાજ મહેતા ચોકમાં મોડી રાત્રીએ વિપક્ષી નેતા પરેશ ધાનાણીની આગેવાનીમાં કોંગીજનોએ કાળી ચૌદશની ઉજવણીનાં ભાગરૂપે દેશમાંથી દરેક સમસ્‍યાનો કકળાટ દૂર થાય અને દેશની જનતામાં શાંતિ, સમૃઘ્‍ધિ અને ખુશી વધે તે માટે સમસ્‍યારૂપી કકળાટ કાઢવાનો કાર્યક્રમ કર્યા હતા.