Main Menu

ભૈ વાહ : જિલ્‍લાની પાણીની સમસ્‍યા સામે તંત્ર જાગૃત

વહીવટી તંત્ર દ્વારા સરસ મજાનું આયોજન કરવામાં આવ્‍યું

ભૈ વાહ : જિલ્‍લાની પાણીની સમસ્‍યા સામે તંત્ર જાગૃત

લોકસભાની ચૂંટણીનાં દિવસોમાં જ પાણીની સમસ્‍યા ઉભી થવાની હોવાથી સરકારે આળસ ખંખેરી

દરેક ગામડાની જરૂરિયાત પ્રમાણે પાણીની વ્‍યવસ્‍થા કરવામાં આવશે

અમરેલી, તા.3

ઓણસાલ ઓછા વરસાદથી પાણીના તળ ખૂબ જ નીચા ગયા છે. જેથી પીવાના પાણીની સમસ્‍યા આગામી દિવસોમાં વધુ વિકરાળ બને તેવા સમીકરણોને કારણે જિલ્‍લા વહીવટી તંત્રે અત્‍યારથી જ આગોતરૂ આયોજન કરીને ઉનાળામાં પીવાના પાણી માટે 9 કરોડ 90 લાખની રકમનું કન્‍ટીજન્‍સી પ્‍લાન તૈયાર કરી નાખ્‍યો છે.

એક તરફ ઓછા વરસાદથી અત્‍યારથી પીવાના પાણી માટે ગ્રામ્‍ય વિસ્‍તારના લોકો બેડાઓ લઈને હાડમારી ભોગવતા નજરે પડે છે. અમરેલી જિલ્‍લાના 11 તાલુકા મથકોના ગામડાઓમાં પીવાના પાણી સાથે પશુઓ માટે પાણીની સમસ્‍યા મોં ફાડીને સામે દેખાઈ રહી છે. ગામડે ગામડે હાલ પીવાના પાણી માટે ટળવળતી મહિલાઓ એક બેડા પાણી માટે વલખા મારી રહી છે. ત્‍યારે અમરેલી જિલ્‍લામાં પીવાના પાણી માટે જિલ્‍લા વહીવટી તંત્ર દ્વારા 9 કરોડ 90 લાખનો પ્‍લાન તૈયાર કર્યો છે. પણ હાલ તો આખો શિયાળોકાઢવો મુશ્‍કેલ હોવાનું અમરેલી તાલુકાના વડેરાના સરપંચ ભરત પટેલ જણાવી રહયા છે.

શિયાળાની શરૂઆતે પીવાના પાણીની સમસ્‍યા અમરેલી જિલ્‍લામાં દેખાતી હોવાથી વહીવટી તંત્ર દ્વારા અગમચેતીના ભાગરૂપે 100 બોર, 10 નવા પાણીના કૂવા અને 1પ0 જેટલા ગામડાઓની સ્‍થિતિને નજર રાખીને ટેન્‍કરો દોડાવવાનું આગોતરૂ આયોજન પાણી પુરવઠા બોર્ડ દ્વારા તૈયાર કરી નાખવામાં આવ્‍યો છે. ત્‍યારે અમરેલી જિલ્‍લાના 11 તાલુકામાં કેટલા ગામડાઓમાં તંત્રનું થયું છે આયોજન તે તરફ નજર કરીએ તો..

અમરેલીના ર6 ગામડાઓ માટે 149 લાખ, કુંકાવાવના 11 ગામડાઓ માટે પ8.પ0 લાખ, બગસરાના 18 ગામડાઓ માટે 8ર.પ0 લાખ, ધારીના 17 ગામડાઓ માટે 107 લાખ, ખાંભાના 19 ગામડાઓ માટે 113 લાખ, રાજુલાના રપ ગામડાઓ માટે 147 લાખ, જાફરાબાદના 6 ગામડાઓ માટે 46 લાખ, બાબરાના 9 ગામડાઓ માટે પ9.પ0 લાખ, લાઠીના 6 ગામડાઓ માટે 38.પ0 લાખ, લીલીયાના 7 ગામડાઓ માટે 41 લાખ, સાવરકુંડલાના 31 ગામડાઓ માટે 147 લાખનું આયોજન સાથે કુલ 9 કરોડ 90 લાખનું આયોજન પીવાના પાણી માટે ઉનાળામાં કન્‍ટીજન્‍સી પ્‍લાન પાણી પુરવઠા બોર્ડ દ્વારા તૈયાર કરી નાખ્‍યો છે.



(Next News) »