Main Menu

લ્‍યો બોલો : ચલાલાનાં સરકારી દવાખાનામાં એમ્‍બ્‍યુલન્‍સનો અભાવ

જનતાનાં આરોગ્‍યની ચિંતા કરતી ભાજપ સરકારનાં રાજમાં

લ્‍યો બોલો : ચલાલાનાં સરકારી દવાખાનામાં એમ્‍બ્‍યુલન્‍સનો અભાવ

દર્દીનાં પરિવારજનો એમ્‍બ્‍યુલન્‍સની વ્‍યવસ્‍થા કરવામાં રહેતા હોવાથી અકાળે દર્દી મોતને ભેટે છે

સમગ્ર પંથકની પ0 હજાર ઉપરાંતની જનતાનાં હિતમાં એમ્‍બ્‍યુલન્‍સ શરૂ કરવી અત્‍યંત જરૂરી

અમરેલી, તા. 3

ચલાલાનાં બાબપા સીતારામ ગૃપનાં પ્રમુખ અશોકસિંહ તલાટીયાએ રાજયનાં આરોગ્‍યમંત્રીને પત્ર પાઠવીને ચલાલાનાં સામુહિક આરોગ્‍ય કેન્‍દ્રમાં એમ્‍બ્‍યુલન્‍સની સુવિધા શરૂ કરવાની માંગ કરી છે.

પત્રમાં જણાવેલ છે કે, ચલાલાએ અમરેલી જીલ્‍લાનાં હાર્દસમુ તથા અનેક પર્યટન સ્‍થળોતથા મહાનગરોને જોડતું પવિત્ર યાત્રાધામ છે કે જયાં પ્રાથમિક આરોગ્‍ય કેન્‍દ્રને ઘણા વર્ષો પહેલાં સામુહિક આરોગ્‍ય કેન્‍દ્રનો દરજજો મળેલ સામુહિક આરોગ્‍ય કેન્‍દ્ર ચલાલા તથા આજુબાજુના ત્રીસ ગામોના લાખો આબાલ, વૃઘ્‍ધ, અમીર, ગરીબ તથા પ્રસુતા મહિલાઓ સહિત ગંભીર અકસ્‍માત કે ભયંકર રોગચાળો કે કુદરતી પ્રકોપમાં આરોગ્‍ય તથા ભાવી આરોગ્‍ય મેળવવાના કેન્‍દ્રસમા સામુહિક આરોગ્‍ય કેન્‍દ્રમાં સારવાર લેવા આવતા દર્દીઓને 108 મારફત દવાખાના સુધી પહોંચાડી પ્રાથમિક સારવાર મળ્‍યા બાદ વધુ સારવાર અર્થે અન્‍ય શહેરોમાં સારવાર લેવા જવાના કટોકટીના સમયે આ વિસ્‍તારનાં ઘણા જ અભણ, ગરીબ અને અજાણ દર્દીઓ તથા પ્રસુતા મહિલાઓ કે કોઈ અકસ્‍માતમાં ઘવાયેલ દર્દીઓ એમ્‍બ્‍યુલન્‍સ સેવાના અભાવે ઘણી જ મુશ્‍કેલીનો સામનો કરવો પડે છે. તો કયારેક ઘણા જ આવા દર્દીઓ વાહનની વ્‍યવસ્‍થા કરતાં રહે ત્‍યાં જ પોતાના સ્‍વજનો મરણને શરણ થયાના અનેક કિસ્‍સાઓ પ્રકાશિત    થયા છે.

વધુમાં જણાવેલ છે કે, આ વિસ્‍તારના બે લાખ લોકો તથા હાઈવે પર પસાર થતાં રાહદારીઓને ગંભીર બીમારી, ભયંકર રોગચાળો, આફત કે અકસ્‍માતના કટોકટીના સમયે દર્દીઓને તથા પ્રસુતા મહિલાઓને સુવ્‍યવસ્‍થિત સારવાર મળી રહે તેમજ કોઈના જીવનુ જોખમ ઉભું ન થાય અને આવા અતિ કટોકટીના સમયે માત્ર એકએમ્‍બ્‍યુલન્‍સ કોઈ દર્દીને નવજીવન આપી શકે તેવા પાવન હેતુથી ચલાલા સામુહિક આરોગ્‍ય કેન્‍દ્રમાં કાયમી એમ્‍બ્‍યુલન્‍સ ફાળવવા અંતમાં માંગ કરેલ છે.