Main Menu

જાફરાબાદ તાલુકા પંચાયતનાં શાસકો સામે ભ્રષ્‍ટાચારનો આક્ષેપ

વિપક્ષી નેતા ભાજપી મનુભાઈ વાજાએ કર્યો

જાફરાબાદ તાલુકા પંચાયતનાં શાસકો સામે ભ્રષ્‍ટાચારનો આક્ષેપ

સામાન્‍ય સભામાં ભાજપી અને કોંગી સદસ્‍યોએ બહિષ્‍કાર કરતાં સ્‍થાનિક રાજકારણ ગરમાયું

અમરેલી, તા. 3

ગ્રામ્‍ય વિસ્‍તારનાં વિકાસની વિશેષ જવાબદારી તાલુકા પંચાયતની હોય છે અને તાલુકા પંચાયતનાં શાસકો વિકાસકાર્યો કરવાનાં નામે સ્‍વ વિકાસ કરે તો મામલો અતિ ગંભીર બની જાય છે. અને આવી ઘટના પ્રકાશમાં આવી છે જિલ્‍લાનાં અતિ પછાત વિસ્‍તાર ગણાતા જાફરાબાદ પંથકમાંથી. જાફરાબાદ તાલુકા પંચાયતમાં કુલ 16 સદસ્‍યો છે અને હાલ કોંગી સદસ્‍યોસત્તા સ્‍થાને બેઠા છે. અને તેઓ સમગ્ર પંથકનો વિકાસ કરવાને બદલે સ્‍વવિકાસમાં રચ્‍યાપચ્‍યા રહેતાં હોય તાલુકા પંચાયતનાં કોંગ્રેસ અને ભાજપનાં 13 જેટલા સદસ્‍યોએ આજે યોજાયેલ સામાન્‍ય સભાનો બહિષ્‍કાર કરતાં સ્‍થાનિક રાજકારણ ગરમાયું છે. અને સમગ્ર પંથકનાં વિકાસકાર્ય અટકી પડયા છે.